14 “Okathi munrowa anyu okela elapo Yehova Muluku anyu onrowa awe woovahani, ni munakhala memmo, nto munahimya wiira: ‘Kiniphavela omuthanla mwene aka, ntoko maloko ootheene akaattamenle’,+ 15 mmuthanle mwene yoole Yehova Muluku anyu onrowa awe omuthanla.+ Muhaana omuthanla mwisarayeli mukhwiinyu wiira okhale mwene anyu. Nyuwo khamuneemereriwa omuthanla namurwa, yoowo ohikhanle munninyu.

19 Masi, olelo nyuwo moomukhootta Muluku anyu,+ yoowo owooponleni mixankiho sanyu sootheene ni ihasara, ni moohimya wiira: “Nnaari, munithanlele mwene wiira onlamuleleke”. Vano mweemele ohoolo wa Yehova, nihimo ti nihimo, ni emusi ti emusi’”.

43 Mamwene yaalamulela wEdomi,+ ohinatthi okhumelela mwene oopacerya aalamulela aisarayeli,*+ yaari ala: Bela, mwaana a Beyori. Epooma awe yaihaniwa Dinihaba. 44 Nuumala Bela okhwa, Yobabi mwaana a Zerahi, a oBosira,+ aahipacerya olamulela nipuro na Bela. 45 Nuumala Yobabi okhwa, Huxami a elapo ya oTemani, aahipacerya olamulela nipuro na Yobabi. 46 Nuumala Huxami okhwa, Hadadi, mwaana a Bedadi, yoowo aaxinttale amidiyani muttetthe* wa oMowabi, aahipacerya olamulela nipuro na Huxami. Epooma awe yaihaniwa Avithi. 47 Nuumala Hadadi okhwa, Samala a elapo ya oMasireka, aahipacerya olamulela nipuro na Hadadi. 48 Nuumala Samala okhwa, Xawuli, a elapo ya oRehoboti waattamela muro, aahipacerya olamulela nipuro na Samala. 49 Nuumala Xawuli okhwa, Bayaali-Hanani, mwaana a Akibori, aahipacerya olamulela nipuro na Xawuli. 50 Nuumala Bayali-Hanani okhwa, Hadadi aahipacerya olamulela nipuro na Bayaali-Hanani. Epooma awe yaihaniwa Pawu. Amwaarawe yaihaniwa Mehetabeli, mwaana a Materedi. Materedi owo aari mwaana a Mezahabi.