18 Vano axuulupale awe yaahinweha orwaaka ottaiwene. Ohinatthi owaattamela, awo yaahipacerya ompaka palano wiira amwiive.

28 Okathi anamarotta aiximayeli, yaawo-tho yaari a oMidiyani,+ yaavira aya, axinnawe Yosefe yaahimukumiha mweehimeni, yaatumiherya anamarotta ale, musurukhu 20 wa eparatha, maluku ene.+ Alopwana ale yaahimukuxa Yosefe, amuroiha wExiitu.

21 Awo yaahihimeeryana yaawo-ru wiira: “Mweekeekhai, itthu iya sinniiraneela mwaha wa itthu sootakhala nimwiirenle ahu munnihu.+ Naahinweha oxankale ene, okathi aanivekenle awe wiira nimmorele ikharari, masi hiyo khinanwiriyanne. Tivonto etthu ela ennikhumelela aya”. 22 Nto Rubeni aahiwaakhula wiira: “Miyo kaahooleelani wiira ‘nihimwiirihe etthu mmiravo ola’, masi nyuwo khimwaakiwiriyanne.+ Tivonto, ninliverya itthu nipanke ahu. Ninnikumiheriwa mulattu mwaha wa okhwa wawe”.*+