31 Nto yaahiiva epuri yoolopwana, akuxa nlaya na Yosefe, aruweya mphomeni-mmo. 32 Nuumala-vo, yaahimoroihela paapa aya nlaya nne nooreera, enahimya wiira: “Noophwanya nlaya nna. Xontte nwehe akhala wiira ti na mwaninyu, aahiiso nnaari”.+ 33 Vano, paapa aya aahiweha nlaya nne oxanka, onahimya wiira: “Nna nlaya na mwanaka! Woonasa wene, enama ya mutakhwani temwiivale Yosefe, emukhuura!” 34 Tivo, Yakobe aahikhera malaya awe, iitthukwelela esaakho muyuununi, onamunlela mwanawe mahiku manceene.

20 Nto naahiwaakhulani wiira: ‘Hiyo nookhalana apaapa oowuuluvala, ni mwaana ookiseriwa amuyanrye aya yuuluvanle ene.+ Muulupale awe mwaana owo ohookhwa.+ Erukulu ya amamawe, ohanle yoowo paahi,+ nave apapawe annimphenta vanceene’.