Eclesiasti

4 Nantra volta, go vardà tute le robe che fà le persone sofrir in tuta la tera. Go visto le làgrime dele persone che le sofre, ma no ghen’era nissuni par darghe consolo. Quei che i le fea sofrir i gavea el poder, e no ghen’era nissuni par consolarle. 6 L’è meio una sbranca de descanso che due sbranche de tanto laoro e corer par ciapar el vento. 9 L’è meio due che un, parché lori i ga una bona ricompensa par el so laoro. 10 Parché se un de lori el casca, quelaltro pol giutarlo a levar su. Ma cossa sucederà con quel che el casca e no ghen’è nissuni par giutarlo a levar su? 11 Anca, se due i se buta do insieme, i se scaldarà. Ma come che un sol el podarà mantegnerse caldo? 12 Qualchedun el pol vinser nantro che l’è lu sol, ma due insieme i pol resisterghe. E una soga tripla no la pol esser rota suito. 13 L’è meio un gióveno poareto, ma che el ga sabedoria, che un rè vècio, ma che l’è stùpido parché no’l sa scoltar consili.