Mateo

5 Adesso i orbi i ghe vede, i soti i camina, i leprosi i ze stati curadi, i sordi i scolta, i morti i ze stati ressussitadi e i poareti i ze drio scoltar le bone notìssie. 6 Felici i ze quei che no i ga dubi sora mi. 7 Intanto che i ndea via, Gesù el ga scominsià a parlarghe ale persone sora Gioani: “Cossa sì ndati veder nel deserto? Una cana sgorlada par el vento? 10 L’è sora lu che l’è stà scrito: ‘Varda! Vao mandar el messagero davanti de ti, e el ndarà pareciar la strada davanti de ti!’ 11 Ve digo la verità: intrà quei che i ze nassesti de done, gnanca un l’è pi importante che Gioani, el Batesador. Ma quel che l’è el manco importante nel Regno dei cieli l’è pi grando che lu. 12 Dei giorni de Gioani, el Batesador, fin adesso, le persone le se sforsa par rivar al Regno del cielo, e quei che i fà cossita i lo guadagna. 13 Parché fin Gioani, i profeti e la Lege, i ga dito quel che ndaria suceder. 14 E, se valtri volé acetar o nò, lu l’è ‘Elia, quel che el ga de vegner’. 15 Quel che el ga récie, che el scolte. 16 “Con chi che posso comparar le persone de ancoi? Lore le ze come toseti nela piassa che i osa par i so amighi: 17 ‘Ghemo sonà la flauta par valtri, ma no gavé balà. Ghemo piandesto, ma valtri no sì restadi tristi.’ 18 Dela medèsima maniera, Gioani no’l magnea gnanca el bevea, ma le persone le dise: ‘Lu el ga un demònio.’ 19 El Fiol del omo l’è vegnesto e el magna e el beve, ma lore le dise: ‘Vardé! Un sgordo, che ghe piase bever vin, che l’è amigo de quei che i tol su imposti e dei pecadori.’ Ma, l’è quel che la persona la fà che mostra che la ga sabedoria.” 20 Alora, lu el ga scominsià a condanar le cità ndove lu el gavea fato quasi tuti i so miràcoli, parché no le se gavea ciamade grame. Lu el ga dito: 21 “Guai de ti, Corazin! Guai de ti, Betsaida! Parché se mi gavesse fato in Tiro e Sìdon i miràcoli che mi go fato par valtri, queste cità le se gavaria ciamade grame tanto tempo indrio. 22 Ma mi ve digo: Par Tiro e Sìdon sarà pi fàcile soportar el Giorno del Giulgamento che par valtri. 23 E ti, Cafarnaun, pénsito che te sì tanto importante che te sarè alsada fin al cielo? Pitosto, te ndarè do fin al Sepolcro. Parché se i miràcoli che i ga sucedesto con ti i gavesse sucedesto in Sodoma, ela la ghen saria qua fin ancoi. 24 Ma ve digo: par Sodoma sarà pi fàcile soportar el Giorno del Giulgamento che par valtri.” 25 Alora, in quela ora, Gesù el ga dito: “Me Pare, Signor del cielo e dela tera, mi te lodo davanti de tuti parché te ghè sconto queste robe de quei che i ga sabedoria e dei studiadi, e te le ghè mostrà ai picinini. 26 Si, Pare, parché te ghè volesto far le robe de questa maniera. 27 Me Pare el me ga dato tuto. Nissuni i cognosse del tuto el Fiol, ma solche el Pare. Nissuni i cognosse del tuto el Pare, ma solche el Fiol e quei a chi el Fiol el vol mostrarghelo. 28 Vegné a mi, tuti valtri che sì stufi e desanimadi e mi ndarò darve forsa. 29 Ciapé sora valtri la me canga e imparé de mi, parché mi son manso e ùmile de cuor, e gavaré forsa. 30 Parché la me canga e la me carga le ze fàcile de portar.”