1 Samuel

2 Lu el gavea due done. Una la gavea nome Ana e quel’altra Penina. Penina la gavea fioi, ma Ana no la gavea gnanca un. 6 Ela la tratea Ana come una nemiga e la ghe ridea drio par farla sentirse disgustada parché Geovà no’l ghe gavea fato gaver fioi. 7 L’era sempre cossita che sucedea tuti i ani. Sempre che Ana la ndea su fin ala casa de Geovà, Penina la la disgutea tanto che Ana la piandea e no la era bona de magnar. 9 Quando i ga finio de magnar e bever in Silo, Ana la se ga levada su. Eli, el sasserdote, l’era sentà nte una carega dela banda dela porta del témpio de Geovà. 10 Ana la era tanto angustiada. Alora, la ga scominsià pregar a Geovà e no la se fermea mia de piander. 11 E ela la ga fato questo voto: “Ò Geovà dei esèrsiti, se te vardi la aflission dela to serva e te te ricordi de mi, e se no te te desménteghi dela to serva e te ghe dè un fiol ala to serva, un toseto, mi vao dàrtelo, Geovà. Cossita, el ndarà servir a ti tuta la so vita, e nissuni i ndarà taiar i so cavei.” 18 Ana la ga rispondesto: “Che mi, la to serva, possa gaver el to favor.” E ela la ze ndata via e la ga magnà, e no la gavea pi una bruta siera. 28 Par quela, mi lo dao a Geovà. Lu el sarà de Geovà par tuta la so vita.” Elcana el se ga incucià do davanti de Geovà.