Salmi

103 Mi vao lodar a Geovà. Con tuto el me cuor, vao lodar so santo nome. 2 Che la me ànima la lode a Geovà. Che mai me desménteghe de tuto quel che el ga fato. 5 Lu sassia ti con robe bone, par tuta la to vita. (...) 7 El ga fato Moisè saver le so strade, e i fioi de Israel quel che el ga fato. 8 Geovà l’è misericordioso e el ga compassion, lu el ga passiensa e tanto amor leal. 9 No’l ndarà mia in serca dei nostri sbali par sempre, gnanca el restarà rissentio par sempre. 10 Lu no’l ne trata de acordo coi nostri pecati, gnanca el fà a noantri quel che meritemo par causa dei nostri sbali. 11 Parché, cossita come el cielo l’è pi alto che la tera, cossita l’è grando el so amor leal par quei che i lo teme. 12 Lu el mete i nostri sbali tanto distante de noantri, cossita come el leste l’è distante del oeste. 13 Cossita come el pare l’è misericordioso coi so fioi, Geovà l’è misericordioso con quei che i lo teme. 14 Parché lu el cognosse ben come semo stati fati, el se ricorda che semo polver. 20 Lodé a Geovà, tuti valtri àngeli soi, forti e con tanto poder. Valtri fé quel che el dise e obedì ala so voce.