1 Corinti

3 Gavé de saver che Cristo el ga la autorità sora el omo, che el omo el ga la autorità sora la dona e che Dio el ga la autorità sora el Cristo. 5 ma la dona che la prega o la profetisa sensa querzerse la testa la fà vergogna ala so testa, parché l’è pròpio come se la fusse raspada. 6 Se la dona no la se querze la testa, la ga de taiarse i cavei. Ma se par una dona l’è una vergogna taiar i cavei o rasparse la testa, alora ela la ga de querzerse la testa. 10 Par questa rason e par via dei àngeli che la dona la ga de meter sora la testa un segnal de autorità. 23 Parché mi go ricevesto del Signor quel che anca ve go dito: che el Signor Gesù, nela note quando el saria tradio, el ga ciapà un pan. 24 E dopo de far una orassion, el ga spartio quel pan e el ga dito: “Questo rapresenta el me corpo, che l’è stato dato par valtri. Seité a far questo in ricordo de mi.” 25 Dopo che i ga magnà la sena, lu el ga fato compagno col càlisse e el ga dito: “Questo càlisse el vol dir el novo acordo che el ga valor par meso del me sangue. Tute le volte che ghen beveré, seité a far questo in ricordo de mi.” 26 Alora, tute le volte che magné questo pan e bevé de questo càlisse, sì drio proclamar la morte del Signor, fin che el vegna.