Vwo Ẹwẹn ru Wo Vwo Yono Erọnvwọn Kpokpọ

Siẹrẹ avwanre de muegbe kẹ uyono romobọ, a sa nọ oma rẹ avwanre, ‘Die yen me guọnọ yono?’ Ẹkẹvuọvo e jẹ a jomaotọ rere obo re rhẹro re vwo yono na vwo jẹ ẹwẹn avwanre e muo reyọ te ẹdia re de gbobọnyẹ erọnvwọn kpokpọ ri Jihova guọnọre nẹ avwanre yonoo. Mavọ yen e se vwo mu ẹwẹn kpahen oborẹ Jihova guọnọ yono avwanre na?

Nẹrhovwo rhe Jihova nẹ ọ kẹ wẹ aghwanre. Vuẹ Jihova nẹ ọ vwẹ ukẹcha kẹ wẹ vwo vwo ẹruọ rẹ obo rọ guọnọre nẹ wo yono enẹna. (Jem 1:5) Kẹnoma kẹ uruemu ra vwọ tanẹ obo re me riẹnre te kẹ vwẹ.​—Isẹ 3:5, 6.

Muọghọ kẹ ẹgba rọhẹ Ota rẹ Ọghẹnẹ. “Ota rẹ Ọghẹnẹ herọ yerẹn.” (Hib 4:12) “Ota” rẹ Ọghẹnẹ rọ herọ yerẹn na se wene iroro rẹ avwanre kọke kọke re de se​—ọ da dianẹ avwanre se mu ẹwẹn kpahen obo rẹ avwanre yono norhe re vwo se na.

Dje ọdavwaro phia kpahen kemu kemu ri Jihova vwo yono avwanre. Eta rọyen ro vwo yono avwanre pha kerẹ “emu rẹ ivwri.” (Aiz 25:6) Wọ kpairoro vrẹ e se rẹ iyovwinreta ru wo rorori nẹ wọ cha riavwerhen rayeen. Wo de muomaphiyọ uyono wẹn, Ọghẹnẹ cha vwẹ ukẹcha kẹ wẹ vwọ dia omamọ rẹ ohwo je riavwerhen rẹ obo ru wo yono na!