Iphiẹrophiyọ Vọ Yen Herọ Vwọ Kẹ Ihwo Ri Ghwure?

Ughwu djobọte avwanre eje. Ẹkẹvuọvo, kẹ ughwu yen oba rẹ akpeyeren? A kpairoro vrẹ ihwo ri ghwuru na bẹdẹ? Iphiẹrophiyọ herọ vwọ kẹ ihwo ri ghwure?

RORO KPAHEN OBORẸ BAIBOL NA TARE:

A KPAIRORO VRẸ IHWO RI GHWURU NA-A

“Irivwi re hẹ evun rẹ ishi ejobi . . . cha yan phia.”—Jọn 5:28, 29.

Ọghẹnẹ karophiyọ ihwo ri ghwuru na; e rehẹ ẹkarophiyọ rọyen cha rhoma vrẹn.

EVRẸNUSHI CHA DIA VWẸ OTỌRAKPỌ NA

“Evrẹnushi herọ kẹ ihwo te ihwo ọsoso te i ri jẹ ọsoso ẹdia.”—Iruo Rẹ Iyinkọn Na 24:15.

Iduduima rẹ ihwo che vrẹn nushi rhe vẹ iphiẹrophiyọ rẹ ayen vwọ dia bẹdẹ vwevunrẹ ufuoma.

E SE SE EVRẸNUSHI NA GBUYOTA

“[Ọghẹnẹ] riẹn unu rẹ isio na, o mu odẹ kẹ ayen ejobi.”—Une Rẹ Ejiro 147:4.

Ọghẹnẹ da sa riẹn odẹ rẹ isio na eje, o muẹro nẹ ọ je cha karophiyọ ihwo ri ghwuru na, ọ me je rhọnvwọn ayen.