Die Yen Baibol na Tare?

Ohworakpọ yen vwo ẹga?

IHWO EVO RORO nẹ ihworakpọ yen vwo ẹga; efa roro nẹ Ọghẹnẹ reyọ ẹga vwo si ihwo te oma. Die wo rorori?

OBORẸ BAIBOL NA TARE

O vwo “omamọ rẹ egagọ ro jẹ ẹgua evwo vwẹ obaro rẹ Ọghẹnẹ rẹ avwanre kugbe Ọsẹ rẹ avwanre.” (Jems 1:27) Omamọ rẹ ẹga yẹrẹ ẹga rẹ uyota nẹ obọ rẹ Ọghẹnẹ rhe.

ERỌNVWỌN EFA RE SE YONO NẸ BAIBOL NA RHE

• Oma ke sa vwerhen Ọghẹnẹ, ofori nẹ e mu ẹga na kpahen uyota rọhẹ Baibol na.—Jọn 4:23, 24.

• Ẹga re mu kpahen iroro rẹ ihworakpọ, ọyen ẹga fefe.—Mak 7:7, 8.

Ofori nẹ e kpo ẹga?

DIE WỌ CHA TA?

• E

• Ẹjo

• Ọkiọvo

OBORẸ BAIBOL NA TARE

“E gbe jẹ avwanre roro obo re jeje ohwohwo oma vwẹ ẹguọnọ kugbe iruo esiri, e jẹn avwanre ghwẹ oma koko.” (Hibru 10:24, 25) Ọghẹnẹ guọnọre nẹ ihwo rọyen siomakoko.

ERỌNVWỌN EFA RE SE YONO NẸ BAIBOL NA RHE

• Ofori nẹ ihwo ri kuomakugbe ga Ọghẹnẹ vwo esegbuyota vuọvo.—1 Kọrẹnt 1:10, 11.

• Ihwo rehẹ ẹga rẹ Ọghẹnẹ rhiabọreyọ, ayen iniọvo vwẹ akpọneje.—1 Pita 2:17.