Vwo Ẹguọnọ Ọgangan Nẹ Ubiudu Rhe

1. E j’ẹguọnọ r’avwanr’eje,

N’otọ r’ubiudu na vwọ rhe;

Ọ nẹrh’e se dj’ọdavwẹ phia

Vwọ k’iniọvo n’eje.

E j’a davwẹngba r’avwanre,

Vwo dj’uvi r’ẹguọnọ vwọ phia,

Je vwẹrovwoker’Ọghẹnẹ.

Vw’ẹguọnọ r’uyota.

Womar’ota v’uruemu,

Ruẹse k’ihwo re guọn’ukẹcha.

Dj’uruemu r’uyoyovwin

Vwọ k’ihwo ọke neje.

E je muọghọ vwọ k’iniọvo

Ji dj’erorokẹ vwọ k’ayen.

Kọ nẹrh’e se vwo ghovw’ayen,

Fuevun k’ayen ọkieje,

Sẹro r’oyerinkugbe.

2. E de vw’ẹguọnọ r’uyota,

Avwanre che si’ophu n’evun;

Ka je cha nabọ vwẹroso

Iniọvo r’avwanre.

A cha di’omamọ r’igbeyan;

Ji dj’ọdavwẹ vwọ k’ohwohwo.

Ukoko na che vw’ufuoma,

Ọ cha b’ohwohwo gan.

Avwanr’eje yen ruẹchọ,

Eta r’ebrabra sa su’omaẹkuọn.

Gbe je dj’ẹguọ vwọ phia

Vwọ k’idibo r’Ọghẹnẹ.

Oyerinkugbe kọ cha dia,

Ka sa di’obọdẹn r’igbeyan.

J’ẹ guọnọ di’oka r’avwanre.

Vwẹrokeri Jihova,

Vwo dj’ẹguọnọ vwọ k’ihwo.