Eta Rehẹ Obotọ

b Uwevwin rẹ ẹga na, ọyen utughẹ rode vẹ igogo ẹne ra vwẹ irhe ru. Omamọ rẹ ekuakua yen e vwo ruo, kerẹ ophiẹn eranvwe, emwa eghanghanre, kugbe igbẹhẹ ra vwẹ idọnọ efuanfon kugbe oro vwo ru. A bọnrọ phiyọ otegodo ro vwo igogo ẹne re ji mu agbada re de ze izobo phiyọ. Ọke vwọ yanran, a da je bọn itughẹ efa vwẹ orhoma rọyen kẹ irherẹn na. Ọ họhọre nẹ ọvo usun rẹ itughẹ tiọyena yen Samuẹl sherhẹn.