AKPEYEREN RẸ INENIKRISTI
Emiọvwọn—Yono Emọ rẹ Ovwan Vwo ru Obo re Cha Nẹrhẹ Oma Vwerhen Ọghẹnẹ
Jihova ni ighene ghanghanre mamọ. O vwo oniso rẹ oborẹ esegbuyota vẹ ẹguọnọ rẹ ayen vwo kpahọn vwọ ghwotọphiyọ, ọ je jokaphiyọ akoechiron rayen. (1Sa 2:26; Lu 2:52) Ayen da tobọ dia imitete dede, ayen je sa reyọ omamọ rẹ uruemu rayen vwo ru ubiudu ri Jihova ghọghọ. (Isẹ 27:11) Womarẹ ukoko rọyen, Jihova kẹ emiọvwọn ekuakua rẹ ayen se vwo yono emọ rayen vwo vwo ẹguọnọ ji nyupho rọyen.
NI IVIDIO NA “EMỌ NA—AKOECHIRO RẸ OVWAN KẸ JIHOVA AGHỌGHỌ”! RERE WỌ KPAHENPHIYỌ ENỌ NANA:
Erhọ yen ukẹcha vẹ odjekẹ ri Jihova vwọphia vwọ kẹ ighene vwẹ ikpe evo rhire na?
Erhọ yen ekuakua re herọ re sa chọn emiọvwọn uko?
Wọ da dia eghene, die yen Jihova vwọphia ro fierere kẹ wẹ re, kẹ diesorọ?