AKPEYEREN RẸ INENIKRISTI
Ayen Wian Gangan Vwọ ga Avwanre
Iniruo okinriariẹ vẹ eya rayen dje ẹguọnọ rẹ omaevwoze kẹ ihwo rẹ ayen ga. Kerẹ avwanre, ayen ji vwo edavwẹ romobọ, oma je rhọ ayen, udu ji nẹ ayen awọ, ayen je ro ẹnwan. (Jem 5:17) Dedena, ayen tẹnroviẹ oborẹ ayen sa vwọ bọn iniọvo rẹ eya vẹ eshare rehẹ ukoko rẹ ayen cha ra na gan kudughwrẹn kudughwrẹn. Iniruo okinriariẹ ghini fo “omamọ rẹ ọghọ.”—1Ti 5:17.
Ọke rẹ Pọl vwọ guọnọ kpo Rom ra vwẹ “ẹse rẹ erhi na” kẹ ukoko rehẹ etiyin, o rhẹro rọyen nẹ ayen cha bọn “esegbuyota rẹ ohwohwo gan.” (Ro 1:11, 12) Wo roro kpahen oborẹ wo se vwo phiuduphiyọ awọ rẹ oniruo rẹ okinriariẹ wẹn vẹ aye rọyen, ọ da dianẹ ọ rọvwọnre?
NI IVIDIO NA AKPEYEREN RẸ ONIRUO OKINRIARIẸ RỌ GA VWẸ ỌKO, RERE WỌ KPAHENPHIYỌ ENỌ NANA:
Idjerhe vọ yen iniruo okinriariẹ vẹ eya rayen vwo dje ẹguọnọ rẹ omaevwoze kẹ ukoko na?
Erere vọ yen owẹ komobọ mrẹre vwo nẹ ẹgbaẹdavwọn rayen rhire?
Mavọ yen avwanre se vwo phiuduphiyọ ayen awọ?