AKPEYEREN RẸ INENIKRISTI
Vwẹ Ẹro Abavo Vwo ni Oma Wẹn Kirobo rẹ Jihova Ruẹ
“Ọrovwohwo na vwo omavwerhe vwẹ ihwo rọye.” (Un 149:4) Dede nẹ avwanre gbare-e, jẹ Jihova tẹnroviẹ emamọ iruemu rẹ avwanre vẹ obo re se ru vwẹ obaro na. Ẹkẹvuọvo, ọkiọvo ọ sa bẹn a vwọ vwẹ ẹro abavo vwo ni oma rẹ avwanre. E se no nẹ e fiemu-u fikirẹ oborẹ ihwo efa ru avwanre. Yẹrẹ a da tẹnrovi echobọ re ru wanre, ọ sa nẹrhẹ e vwo ẹwẹn ivivẹ sẹ Jihova ghini vwo ẹguọnọ rẹ avwanre. Die yen sa chọn avwanre uko siẹrẹ e de vwo oka rẹ iroro ọtiọyen?
Karophiyọ nẹ Jihova sa mrẹ oborẹ ihworakpọ sa mrẹ-ẹ. (1Sa 16:7) Ọnana mudiaphiyọ nẹ ọ riẹn avwanre vrẹ oborẹ avwanre riẹn oma rẹ avwanre phiyọ dede. Ọ vwerhoma nẹ Baibol na chọn avwanre uko vwọ riẹn ẹro ri Jihova vwo ni avwanre. A sa riẹn ọnana siẹrẹ e de se awọreta vẹ ikuegbe sansan rehẹ Baibol ri dje oborẹ Jihova vwo ẹguọnọ rẹ idibo rọyen te.
NI IVIDIO NA RU IMUẸRO WẸN KPAHEN ẸGUỌNỌ RẸ JIHOVA VWO KPAHEN OWẸ GANPHIYỌ, RERE WỌ KPAHENPHIYỌ ENỌ NANA:
Die yen udje rẹ ọdjonẹ na vẹ ọsẹ rọyen yono avwanre kpahen ẹro ri Jihova vwo ni avwanre?
Die yen ohwo ro ru umwemwu ọgangan rọ je jowọ vwọ rhuẹrẹ oyerinkugbe rọyen vẹ Jihova che ru ọ da dianẹ udu rọyen ji brẹ hwe?—1Jọ 3:19, 20
Erere vọ yen oniọvo na mrẹre ọke ro vwo se ji roro kokodo kpahen ikuegbe ri Devid vẹ Jehoshafat?