Ono Yen Ovie Wẹn?

Emọ rẹ Izrẹl gbe ughẹnghẹn rẹ ayen vwọ nokpẹn nẹ a vwẹ ovie rẹ ohworakpọ vwo mu kẹ ayen (1 Sam. 8:4, 5; it-2 163 ¶1)

Ihwo rẹ Izrẹl guọnọre nẹ Jihova ọvo dia osun raye-en kidie ayen rhiẹromrẹ-ẹ (1 Sam. 8:7, 8; w11 1/1 27 ¶1)

Jihova si ayen erhọn vwọ kpahen ebẹnbẹn ri che norhe siẹrẹ ayen de vwo ovie rẹ ohworakpọ (1 Sam. 8:9, 18; w10 1/15 30 ¶9)

Ọkieje yen Jihova vwo vwo uturhi ro vwo sun emama rọyen eje. Usuon rọyen pha yoyovwin, o ji brọghọ phiyọ ihwo ro suẹn oma. Avwanre de muọghọ ji bicha usuon na, a cha mrẹ ebruphiyọ ri bẹdẹ.

NỌ OMA WẸN, ‘Mavọ yen me reyọ akpeyeren mẹ vwo djephia nẹ mi muọghọ vwọ kẹ usuon ri Jihova?’