Mavọ Yen Iniọvo Eya sa Vwọ Hẹre Iruo rẹ Aghwoghwo Rayen Phiyọ?

Iniọvo eya toroba ẹyan-obaro rẹ iruo Ruvie na. (Une 68:11) Ayen ru uyono ri Baibol buebun. Usun rẹ ekobaro ọkieje buebun re herọ vwẹ ukoko na nonẹna yen iniọvo eya. Buebun rayen vwomakpahotọ ga vwẹ Bẹtẹl, ruiruo rẹ imishọnare, ruiruo rẹ ebanbọn vẹ iruo rẹ efanfan. Iniọvo eya ri tedje bọn orua rayen vẹ ukoko na gan. (Isẹ 14:1) Dede nẹ iniọvo eya cha sa ga kerẹ ekpako yẹrẹ idibo rowia-an, ayen ji se vwo obo ra tẹnrovi vwẹ ukoko na. Wọ da dia oniọvo aye, erhọ yen idjerhe evo wọ sa vwọ hẹre iruo rẹ aghwoghwo wẹn phiyọ?

• Vwo uruemu rẹ Onenikristi. —1 Tim. 3:11; 1 Pita 3:3-6

• Vwẹ ukẹcha kẹ iniọvo eya ri ji rhi te edje-e vwẹ ukoko na.—Tai. 2:3-5

• Davwẹngba vwọ ghwọrọ ọke vwẹ iruo rẹ aghwoghwo na rere wo ji ru ona rẹ aghwoghwo wẹn yovwinphiyọ

• Yono ejajẹ ọfa

• Kpo asan ra da ma guọnọ ukẹcha

• Ghwobọphiyọ ifọmu ri Bẹtẹl yẹrẹ vwobọ vwẹ iruo rẹ ebanbọn rẹ ukoko na

• Ghwobọphiyọ ifọmu rẹ Isikuru rẹ Ihwo ri Ghwoghwo Uvie Na

NI IVIDIO NA ‘EYA RE WIAN GANGAN VWEVUNRẸ ỌROVWOHWO NA,’ RERE WỌ KPAHENPHIYỌ ONỌ NANA:

• Mavọ yen oborẹ iniọvo eya na ọvuọvo tare vwọ bọn wẹn gan?