Sẹro rẹ Ughwẹ rẹ Ọghanghanre Wẹn

Kalẹb sẹro rẹ ughwẹ rọyen womarẹ ọ vwọ djẹ ivwighrẹn ri vwo ẹgba mamọ (Jos. 15:14; it-1 1083 ẹko. 3)

Ọ dia ihwo rẹ Izrẹl eje yen sẹro rẹ ughwẹ rayen vwo nẹ abọ rẹ ihwo re ga Jihova-a (Jos. 16:10; it-1 848)

Jihova vwẹ ukẹcha vwọ kẹ ihwo re ghene guọnọ sẹro rẹ ughwẹ rayen (Urhi 20:1-4; Jos. 17:17, 18; it-1 402 ẹko. 3)

Jihova kẹ Inenikristi eje ughwẹ ọghanghanre rọ dia arhọ ri bẹdẹ. Avwanre sa vwọ sẹro rẹ ughwẹ rẹ avwanre na, a cha họnre vwọso edavwini womarẹ uyono ri Baibol, emẹvwa rẹ Inenikristi, iruo rẹ aghwoghwo na, kugbe ẹrhovwo ẹnẹ.

NỌ OMA WẸN, ‘Me sẹro rẹ ughwẹ mẹ?