Vwẹrote Eya re Kpakore Kerẹ Ini, Ighene rẹ Eya Kerẹ Iniọvo

Baibol na tare nẹ avwanre vwẹrote Inenikristi re ghwore na kerẹ ini vẹ esẹ rẹ avwanre, e mi ji nẹ ighene na kerẹ iniọvo avwanre. (Se 1 Timoti 5:1, 2.) Ofori nẹ iniọvo eshare muọghọ kẹ iniọvo rẹ eya ji brọghọ phiyọ ayen oma.

E jẹ oniọvo ọshare frẹfrẹ yẹrẹ ru orọnvwọn vuọvo rọ cha nẹrhẹ ẹwẹn rẹ oniọvo aye te otọ-ọ. (Job 31:1) E jẹ oniọvo ọshare ro ji ri muegbe rẹ orọnvwe-e ru emu vuọvo rọ cha nẹrhẹ oniọvo rẹ aye rọ je re rọvwọ-ọn roro nẹ oniọvo ọshare na vwo ẹwẹn rọ vwọ rọvwọn ọye-en.

E jẹ ekpako dje erorokẹ phia vwọ kẹ iniọvo rẹ eya re nọ onọ vwẹ idjerhe rẹ ọghọ yẹrẹ dje orọnvwọn ọvo rọ fori nẹ ayen ru vwọ kẹ ayen. O ji fo nẹ ekpakọ dje erorokẹ phia vwọ kẹ ihwo ri vwo ọshare re cha chọn ayen uko-o.—Rutu 2:8, 9.

NI IVIDIO NA DJE ẸGUỌNỌ RO VWOBA-A PHIA VWEVUNRẸ UKOKO NA—VWỌ KẸ EYAUKU KUGBE IHWO RI VWO ESẸ-Ẹ, RERE WỌ KPAHENPHIYỌ ENỌ NANA:

• 

  Idjerhe vọ yen iniọvo rẹ ukoko na vwo dje uvi rẹ ẹguọnọ vwọ kẹ Oniọvo aye Myint?

• 

  Mavọ yen ẹguọnọ rẹ iniọvo rẹ ukoko na djephia vwọ dia omamọ rẹ oseri vwọ kẹ ihwo rehẹ ekogho na?

• 

  Idjerhe vọ yen ẹguọnọ rẹ iniọvo rẹ ukoko na djephia vwo djobọte emetẹ rẹ Oniọvo aye Myint?

Erhọ yen idjerhe evo wo se vwo dje ẹguọnọ vwọ kẹ iniọvo eya rehẹ ukoko wẹn?