Dje Ẹguọnọ Phia Vwevunrẹ Orua Na

Ẹguọnọ yen ufi ro churo orua na eje kuẹgbe. Ẹguọnọ rha hero-o, ọ cha bẹn orua na se vwo yerinkugbe. Mavọ yen eshare, eya, kugbe emiọvwọn se vwo dje ẹguọnọ phia vwevunrẹ orua na?

Ọshare ro vwo ẹguọnọ che nenesi rẹ ọdavwẹ rẹ aye rọyen kugbe ẹro ro vwo ni emu. (Ẹfe. 5:28, 29) Ọ cha chọn orua na uko vwo sikẹre Jihova ji vwẹrote emuọre vẹ erọnvwọn efa, ọnana churobọsi re vwo ruẹ Ẹga Orua ọkieje. (1 Tim. 5:8) Aye ro vwo ẹguọnọ che muọghọ kẹ ọshare rọyen ji vwẹ “oma kpotọ.” (Ẹfe. 5:22, 33; 1 Pita 3:1-6) Ofori nẹ ayen ihwo ivẹ na vwo ghovwo ohwohwo ghwologhwolo. (Ẹfe. 4:32) Emiọvwọn ri vwo ẹguọnọ vwo ọdavwẹ rẹ emọ na ọvuọvo ji yono ayen vwo vwo ẹguọnọ ri Jihova. (Urhi 6:6, 7; Ẹfe. 6:4) Egbabọse vọ yen emọ rayen hirharokuẹ vwẹ isikuru? Mavọ yen ayen yerẹn ghene ọnyẹ rẹ otu wan? Ẹguọnọ da evunrẹ orua na, oma ko che fun ihwo eje.

NI IVIDIO NA DJE ẸGUỌNỌ RO VWOBA-A PHIA VWEVUNRẸ ORUA WẸN, RERE WỌ KPAHENPHIYỌ ENỌ NANA:

• 

  Idjerhe vọ yen ọshare ro vwo ẹguọnọ vwọ vwẹrote aye rọyen?

• 

  Mavọ yen aye ro vwo ẹguọnọ vwo dje ọghọ okokodo phia vwọ kẹ ọshare rọyen?

• 

  Mavọ yen emiọvwọn ri vwo ẹguọnọ sa vwọ vwẹ Ota rẹ Ọghẹnẹ vwo yono emọ rayen?