AKPEYEREN RẸ INENIKRISTI
Ọghwẹkoko ri Kukpe Kukpe—Ọke re Vwo Djẹ Ẹguọnọ Phia
Diesorọ avwanre vwọ riavwerhen rẹ eghwẹkoko rẹ avwanre mamọ? Kirobo rọ hepha vwẹ ọke rẹ ihwo rẹ Izrẹl, eghwẹkoko nonẹna, eyen ọke re vwo kuomakugbe iniọvo avwanre ujorin buebun yẹrẹ tobọ uriorin buebun vwọ ga Jihova. Avwanre riavwerhen eta buebun ri si avwanre kerẹ Jihova. Avwanre ji nene igbeyan vẹ ihwo rẹ orua avwanre ghwọrọ omamọ ọke kuẹgbe. Ọtiọyena, avwanre guọnọre nẹ ẹdẹ vuọvo va avwanre abọ vwẹ ọghwẹkoko na-a.
Uphẹn re vwo siomakoko de rhiephiyọ, avwanre ghwe roro kpahen ọdavwẹ romobọ avwanre ọvo-o, ẹkẹvuọvo ofori nẹ e ji roro kpahen obo re se vwo dje ẹguọnọ kẹ ihwo efa. (Gal. 6:10; Hib. 10:24, 25) E se dje ọdavwẹ kẹ ihwo efa siẹrẹ a da yọnrọn ẹchẹ kẹ iniọvo avwanre yẹrẹ a da sẹro rẹ egbara ra ghene guọnọ. (Fil. 2:3, 4) Avwanre ji vwo uphẹn re vwo mu igbeyan kpokpọ vwẹ eghwẹkoko. Tavwen a ke ton ọrhuẹrẹphiyotọ na phiyọ, e de kuophiyọ nu yẹrẹ vwẹ ọke rẹ omaerovwon, a sa davwẹngba vwọ ta ota kẹ ohwo ọvo rẹ avwanre ghwe vughe-e. (2 Kọr. 6:13) Igbeyan rẹ avwanre muru vwẹ ọke tiọyena sa dia bẹdẹ bẹdẹ! Ma rhọ kparobọ, ihwo da mrẹ ẹguọnọ rẹ avwanre djephia, ọ sa nẹrhẹ ayen vwomaba avwanre vwọ ga Jihova.—Jọn 13:35.
NI IVIDIO NA “ẸGUỌNỌ VWO OBA-A”! ỌGHWẸKOKO RẸ AKPỌEJE RERE WỌ KPAHENPHIYỌ ENỌ NANA:
Mavọ yen e dje ẹguọnọ kẹ iniọvo ri nẹ ẹkuotọ efa rhe vwẹ ọghwẹkoko rẹ akpọeje re ruru vwẹ 2019?
Diesorọ oyerinkugbe vẹ ẹguọnọ rọhẹ uvwre rẹ ihwo ri Jihova vwọ dia ọ rẹ oghẹresan?
Die yen iniọvo rehẹ Ẹko Rọvwẹrote na ta kpahen ẹguọnọ?
Mavọ wo se vwo toroba ẹguọnọ re djephia vwẹ eghwẹkoko?
Mavọ yen ẹguọnọ rẹ iniọvo vwo phi kparobọ vwẹ Germany vẹ South Korea?
Die yen orhiẹn-ebro avwanre?