Sẹro rẹ Orọnvwe Wẹn

Jihova vwẹ ẹro ọghanghanre vwo ni ive rẹ orọnvwe. Ọ tare nẹ aye gbe ọshare na tinka mu ohwohwo. (Mat. 19:5, 6) Omamọ erọnvwe buebun herọ vwẹ uvwre rẹ ihwo rẹ Ọghẹnẹ. Ẹkẹvuọvo, o vwo orọnvwe vuọvo ebẹnbẹn kanre-e. Ebẹnbẹn sa vwomaphia. Ofori nẹ a kẹnoma kẹ iroro rẹ akpọ na rẹ ayen vwọ tanẹ ebẹnbẹn da hẹ orọnvwe, ihwo ivẹ na sa hẹrioma yẹrẹ fan orọnvwe na. Mavọ yen Inenikristi sa vwọ sẹro rẹ orọnvwe rayen?

Roro kpahen iroroẹjẹ iyorin nana.

1. Sẹro rẹ ubiudu wẹn womarẹ ra vwọ kẹnoma kẹ uruemu ra vwọ frẹfrẹ, re vwo ni ughe rẹ ọfanrhiẹn, enana nẹrhẹ oyerinkugbe rọhẹ orọnvwe na dogho.—Mat. 5:28; 2 Pita 2:14.

2. Bọn oyerinkugbe wẹn vẹ Jihova ganphiyọ, ọtiọyen ji te owenvwe wo vwo ru obo ri je vwẹ orọnvwe wẹn.—Une 97:10.

3. Ku ohwo kpokpọ na phiyọ ọkieje, dje uruemu esiri phia vwọ kẹ ọrivẹ wẹn tobọ vwẹ erọnvwọn itete, rere oma vwọ vwerhọn.—Kọl. 3:8-10, 12-14.

4. Ovwan ta ota kẹ ohwohwo vẹ ọghọ ọkieje.—Kọl. 4:6.

5. Dje ẹguọnọ vẹ erorokẹ phia vwẹ ovwerhen rẹ aye gbe ọshare.—1 Kọr. 7:3, 4; 10:24.

Inenikristi de muọghọ kẹ ọrhuẹrẹphiyotọ rẹ orọnvwe na, jẹ ayen ji muọghọ kẹ Jihova rọ dia Ohwo rọ ton orọnvwe na phiyọ.

NI IVIDIO NA AVWANRE CHA “VWẸ ERHIORI DJẸ ONẸ” NA—NENE IRHI RI SUN EHA NA, RERE WỌ KPAHENPHIYỌ ENỌ NANA:

• 

  Dede nẹ orọnvwe se vwo omamọ ọtonphiyọ, egbabọse vọ yen sa vwomaphia?

• 

  Mavọ yen uchebro ri Baibol na sa vwọ vwẹ ukẹcha kẹ ihwo rẹ omavwerhovwẹn kanre orọnvwe rayen?

• 

  Irhi vọ yen Jihova phiyotọ kpahen orọnvwe?

• Orọnvwe ki se phi kparobọ, die yen a guọnọ mie ihwo ivẹ re rọvwọnre na?