Otọ na “de Se Ame Na” Kpọ

Vwẹ ikuegbe rẹ ihworakpọ, o vwo ọke sansan rẹ ihwo ri suẹn vwọ vwẹ ukẹcha kẹ ihwo ri Jihova. (Ẹzra 6:1-12; Ẹsta 8:10-13) Nonẹna, avwanre mrẹ “otọ na,” kọyen, ihwo evo rehẹ akpọ na ri vwo omamọ ẹwẹn, ri “se ame” rẹ omukpahen kpọ, ame rẹ “ukpodje” na rọ dia Idẹbono reyọ vwọso avwanre na. (Ẹvwọ. 12:16) Ọkiọvo, Jihova rọ dia “Ọghẹnẹ rẹ esivwo” na, se ruo rere ihwo ri suẹn vwọ vwẹ urovwoma vwọ kẹ ihwo rọyen.—Une 68:20; Isẹ 21:1.

Ọ da rha dianẹ e mu uwe phiyọ uwodi fikirẹ esegbuyota wẹn vwo? Vwo imuẹro nẹ Jihova mrẹ wẹ. (Jẹn. 39:21-23; Une 105:17-20) Ji vwo imuẹro nẹ wọ cha mrẹ ebruphiyọ fikirẹ esegbuyota wẹn, ọyọnregan wẹn ji che phiuduphiyawọ rẹ iniọvo wẹn rehẹ akpọeje.—Fil. 1:12-14; Ẹvwọ. 2:10.

NI IVIDIO NA INIỌVO RI KOREA RE SIOBỌNU VWO NẸ UWODI, RERE WỌ KPAHENPHIYỌ ENỌ NANA:

• Diesorọ e vwo mu iniọvo uriorin buebun phiyọ uwodi vwẹ South Korea vwẹ ikpe evo rhire na?

• Orhiẹn-ebro vọ yen nẹrhẹ a fobọ siobọnu iniọvo avwanre evo?

• Mavọ yen avwanre sa vwọ vwẹ ukẹcha kẹ iniọvo avwanre rehẹ akpọeje re mu phiyọ uwodi fikirẹ esegbuyota rayen?

• Idjerhe vọ yen ofori nẹ a reyọ egbomọphẹ ro rhe avwanre vwo ruiruo wan nonẹna?

• Ono yen fo ujiri fikirẹ ophikparobọ sansan rẹ avwanre rhiẹromrẹ vwẹ aguare?