“Roro Imu Nana”

Imu vọ? Filipae 4:8 tare nẹ e roro kpahen erọnvwọn rẹ uyota, ri vwo ọghọ, re dia ọsoso, ri yovwirin, ri vwo ẹguọnọ, ri vwo erhuvwu, ri vwo uyoyovwi, ri fo ejiro. Vwọrẹ uyota, ọ ghwa dia erọnvwọn ri shekpahen Baibol ọvo yen Inenikristi che roro kpahe-en. Ẹkẹvuọvo, ofori nẹ iroro rẹ ubiudu avwanre vwerhen Jihova oma. Ofori nẹ o miovwo oyerinkugbe avwanre vẹ Jihova-a.—Une 19:14.

Ọ sa dia bẹnbẹn ra vwọ kẹnoma kẹ erharhe iroro. Ọ ghwa dia jẹgba rọhẹ oma avwanre ọvo yen e che nene muabọ-ọ, e ji che nene Eshu muabọ, ọyehẹ ọghẹnẹ rẹ “akpọ nana.” (2 Kọr. 4:4) Eshu yen sun evuẹ vẹ ighe rehẹ akpọ na, kọyensorọ erọnvwọn buebun rehẹ itẹlivishọni, iredio, intanẹti, vẹ ẹbe sansan vwọ bra mamọ. A rha sane obo re phiyọ ẹwẹn avwanre-e, iroro avwanre se miovwin, o mi rhi djobọte uruemu avwanre.—Jems 1:14, 15.

NI IVIDIO NA KẸNOMA KẸ OBO RI SE MIOVWO EVUN-ẸFUỌN WẸN—ERỌNVWỌN RA VWỌ DIOTỌ RI JE FO, RERE WỌ KPAHENPHIYỌ ENỌ NANA:

• 

  Die yen oniọvo na nẹ vwẹ ifonu rọyen, kẹ mavọ yen o djobọte wan?

• 

  Mavọ yen Galesha 6:7, 8 vẹ Une Rẹ Ejiro 119:37 vwẹ ukẹcha kẹ wan?