EFE RỌHẸ OTA RẸ ỌGHẸNẸ | 1 KỌRẸNT 14-16

Ọghẹnẹ Cha Dia “Kemu Kemu kẹ Ohwo Ọvuọvo”

Iphiẹrophiyọ rẹ urinrin hẹrhẹ ihwo re fuevun kẹ Jihova. Avwanre da vwẹ aghọghọ vuẹ ihwo efa kpahen iphiẹrophiyọ rẹ avwanre, ọnana cha nẹrhẹ iphiẹrophiyọ rẹ avwanre ganphiyọ. Ọyinkọn Pọl jiriro kẹ Inenikristi nẹ ayen vwẹ ẹwẹn roro oba rẹ Ẹgbukpe Uriorin rẹ Usuon rẹ Kristi na rẹ Jihova da cha dia “kemu kemu kẹ ohwo ọvuọvo.”

Emekashe sẹro rẹ ihwo rẹ Jihova vwẹ ukpokpogho rode na; ihwo rehẹ Iparadaisi; Jesu si erhu rẹ ovie rọyen nẹ uyovwin, ọ da vwẹ Uvie na kẹ Jihova Ọghẹnẹ

Ọvọ yen ma vwerhen owẹ oma usun rẹ ebruphiyọ rẹ avwanre rhẹro rọyen na, diesorọ?

Die yen kẹ wẹ imuẹro nẹ ive rẹ Ọghẹnẹ che rugba?