Karophiyọ Aye rẹ Lọt

Die yen nẹrhẹ aye rẹ Lọt ni obuko ọke rọ vwọ djẹ nẹ Sodọm? Baibol na vuẹ avwanre-e. (Jẹn. 19:17, 26) Eta rẹ Jesu tare tavwen ọ ke vwẹ orhọ esio na  phia djerephia nẹ ọ sa dianẹ o roro kpahen ekuakua rọ yan jovwo obuko. (Luk 17:31, 32) Mavọ yen avwanre sa vwọ kẹnoma kẹ e vwo ku ebruphiyọ rẹ Ọghẹnẹ kufia kerẹ aye rẹ Lọt? Avwanre kẹnoma kẹ uruemu ra vwọ vwẹ ekuakua rẹ akpeyeren vwọ kobaro. (Mat. 6:33) Jesu tare nẹ avwanre cha “sa ga Ọghẹnẹ vẹ Ẹdjọ kugbe-e.” (Mat. 6:24) Kẹ, avwanre da rha mrẹvughe nẹ ekuakua rẹ akpeyeren guọnọ gbowọphiyọ oyenrinkugbe rẹ avwanre vẹ Ọghẹnẹ vwo? Avwanre sa nẹrhovwo rhe Jihova nẹ ọ chọn avwanre uko vwọ mrẹ asan ro de fo nẹ avwanre ru ewene, je kẹ avwanre uduefiogbere vẹ ẹgba re vwo ru ọtiọyen.

KAROPHIYỌ IVIDIO RO VWO ẸBẸRE ERHA, KAROPHIYỌ AYE RẸ LỌT, RERE WỌ KPAHENPHIYỌ ENỌ NANA:

• 

  Mavọ yen okeke re vwo vwo igho buebun djobọte iroro, ota vẹ uruemu rẹ Gloria?

• Idjerhe vọ yen aye rẹ Lọt vwọ dia udje rẹ orhọ esio kẹ avwanre nonẹna?

• Idjerhe vọ yen ẹreyọ vwo ruiruo rẹ ichebro rẹ Baibol na vwọ chọn Joe vẹ orua rọyen uko?

• Idjerhe vọ yen igbeyan rẹ Anna vwẹ asan ro de ruiruo vwo djobọte oyenrinkugbe rọyen vẹ Jihova?

• Diesorọ a vwọ guọnọ uduefiogbere ọ da dianẹ a mrẹ okeke ra vwọ vwẹ igho kobaro vwẹ akpeyeren?

• Idjerhe vọ yen Brian vẹ Gloria rhoma rhe vwọ vwẹ oyenrinkugbe rayen vẹ Jihova vwọ kobaro?

• Uchebro rẹ Baibol vọ yen e djudje rọyen vwẹ ividio nana?