Vwẹ Ẹbe Avwanre Vwo Ruiruo vẹ Aghwanre

Jesu yen tare: “Ọphẹ ovwan mrẹre, ọphẹ ovwan je vwọ kẹ rhe.” (Mat. 10:8) Avwanre ruẹ nene iji yena rẹ avwanre vwo jẹ ihwo na ẹvuẹ nẹ ayen hwa osa phiyọ Baibol vẹ ẹbe rẹ avwanre vwọ kẹ ayen. (2 Kọr. 2:17) Uyota ọghanghanre ro nẹ Baibol na rhe yehẹ evunrẹ ẹbe nana. Owian rode vẹ igho buebun yen ọ reyọ tavwen a ke teyen ayen, je fan ayen kpo ikoko rehẹ akpọneje. Ọtiọyena, ofori nẹ a reyọ oborẹ avwanre cha vwọ wian ọvo.

Vwẹ aghwanre vwo ruiruo ọke wọ da kẹ ihwo ẹbe na, tobọ vwẹ asan re de ruẹ aghwoghwo rẹ azagba. (Mat. 7:6) Ukperẹ wọ vwọ vwẹ ẹbe na vwọ kẹ kohwo kohwo rọ yan wanvrẹ, davwẹngba nene ayen ta ota rere wọ vwọ riẹn ohwo ro dje omavwerhovwẹn phia. Ẹkpahọnphiyọ wẹn sa dia e vwọ kẹ ọvo usun rẹ enọ rehẹ ekpeti na? Wọ rha sa riẹn sẹ ohwo na dje omavwerhovwẹn phia-a, ofori nẹ vwọ kẹ itrati. Ẹkẹvuọvo, ohwo na da nokpẹn rẹ imagazini yẹrẹ ọbe ọfa, e jẹ avwanre vwọ kẹ.​—Isẹ 3:​27, 28.