Ona re se Vwo Phi Ayen Phiyọ Ada

Onọ: Ihwo buebun guọnọ vwo oma kpokpọ. Die wo rorori nẹ avwanre se ru rere e vwo jẹ ọga ẹhọvwan?

Ẹkpo rẹ Baibol: Isẹ 22:3

Obo wọ cha ta: Awake! nana djunute owọẹjẹ rẹ aghwanre rẹ avwanre sa reyọ rere a sa vwọ kẹnoma kẹ ega.

Onọ: Ọghẹnẹ yen so ojaẹriọ rẹ avwanre gbanẹ erọnvwọn efa?

Ẹkpo rẹ Baibol: Job 34:10

Uyota: Ọ dia Ọghẹnẹ yen so ojaẹriọ rẹ avwanre-e. Ukperẹ ọtiọyen, obọ rẹ Idẹbono yen ojaẹriọ nẹ cha, ihworakpọ ri brorhiẹn re chọre so ojaẹriọ, ọke evo, avwanre rioja kidie avwanre hẹ asan ro fori-i, vwẹ ọke ro shephiyọ-ọ. Ọghẹnẹ choma rọ vwọ vwẹ ukẹcha kẹ avwanre siẹrẹ avwanre da rioja. Ọ ghene vwẹrote avwanre.

Onọ: Wo rorori nẹ Ọghẹnẹ yen sun akpọ na? [Fọ rere ọ kpahenphiyọ.] Oborẹ Baibol na tare se gbewunu. Ividio nana dje kpahọn. [Hworo ividio na.]

Obo wọ cha ta: Uyovwinrota 11 rẹ ọbe nana ta ota kpahen oboresorọ rẹ Ọghẹnẹ vwọ vwẹ uphẹn kẹ ojaẹrio vẹ obo ro che ru kpahọn. [Vwẹ ọbe rẹ Bible Teach yẹrẹ Yono Avwanre vwọ kẹ.]