Wọ Vwẹ Ikadi Re Se Vwo Kpo JW.ORG Vwo Ruiruo Vwẹ Idjerhe Ro Shephiyọ?

Ukpokpogho rode na vwo siẹkẹrẹ na, iruo aghwoghwo rẹ avwanre guọnọ okpakpa. (Isẹ 24:​11, 12, 20) A sa vwẹ ikadi na vwọ vwẹ ukẹcha kẹ ihwo vwọ kpọ iroro rayen kpo Ota rẹ Ọghẹnẹ kugbe wẹbsaiti rẹ avwanre. Ikodu ọvo hẹ ikadi na ro mu ohwo kpo ividio rẹ Diesorọ E Vwo Yono Baibol Na? Ikadi na ji vwo edurhie vwọ kẹ evuẹ efa yẹrẹ uyono rẹ Baibol. Ihwo evo vwo owenvwe rẹ ayen vwọ reyọ ẹbe rẹ avwanre-e, ẹkẹvuọvo ayen choma rẹ ayen vwo kpo wẹbsaiti rẹ avwanre. Ọtiọyena vwo siomauko wọ vwọ vwẹ ikadi na kẹ aye-en. Ẹkẹvuọvo, wọ yanjẹ ikadi na vwo vwọ kẹ ihwo ri dje omavwerhovwẹn phia-a.

Kasan kasan wọ hepha, wọ sa kpare oruru rẹ ihwo kpahen ikadi na womarẹ eta nana: “Mi vwo orọnvwọn ọvo re me guọnọ kẹ wẹ. Ikadi nana che dje wẹbsaiti ọvo kẹ wẹ ro vwo evuẹ rẹ ọphẹ kugbe ividio ri shekpahen iyovwinreta sansan.” (Jọn 4:⁠7) Kidie nẹ ikadi na vwa hahavwen, wọ sa ghwa evo nene oma rẹ wọ cha ghare kẹ ihwo efa ọkieje.