Re Vwo Ru Akpeyeren rẹ Avwanre Lọhọ Chọn Avwanre Uko Vwo Jiri Ọghẹnẹ

Nonẹna, ọ pha lọlọhọ ra vwọ vwẹ erọnvwọn buebun vwo gidi oma. Ọ reyọ ọke vẹ ẹgba ra vwọ dẹ erọnvwọn, hwosa rayen, reyọ ayen vwo ruiruo, vwẹrote, ji sẹro rayen. Jesu yeren akpọ rẹ kekpe rere ekuakua rẹ akpeyeren vwo jẹ owọ egbephiyọ iruo rẹ aghwoghwo rọyen.—Mat. 8:20.

Idjerhe vọ yen wo se vwo yeren akpọ rẹ kekpe rere wo se vwo ru bunphiyọ vwẹ iruo rẹ aghwoghwo na? Wo se ru ọrhuẹrẹphiyotọ rere ohwo ọvo vwevunrẹ orua wẹn sa vwọ dia ọkobaro? Ọ da tobọ dianẹ wọ hẹ evunrẹ iruo rẹ ẹga ọkieje na, wọ vwẹ ekuakua rẹ akpeyeren vwo gidi oma? Akpeyeren rẹ kekpe ọyen akpeyeren rẹ omavwerhovwẹn kugbe otekẹvwẹ vwẹ ẹga rẹ Jihova.—1 Tim. 6:7-9.

Si obo wo se ru akpeyeren wẹn lọhọ phiyotọ.