ILAIBRI RỌHẸ INTANẸTI

RỌHẸ INTANẸTI

mwb16 April aruọbe 3
Phiudu Phiyọ Ihwo Efa Awọ je Bọn Ayen Gan Womarẹ Eta Esiri

Ọbe Uyono rẹ Akpeyeren Avwanre vẹ Iruo Ruvie Na (2016)

mwb16 April aruọbe 3

EFE RỌHẸ OTA RẸ ỌGHẸNẸ | JOB 16-20

Phiudu Phiyọ Ihwo Efa Awọ je Bọn Ayen Gan Womarẹ Eta Esiri

Ofori nẹ eta rẹ obruche bọn ihwo efa gan

Ofu dje Job, ivun ji miovwon, ọtiọyena ọ guọnọ uchebro kugbe obicha mie ihwo efa
Igbeyan erha rẹ Job ta ota vuọvo vwo bro uche-e. Ukperẹ ọtiọyen ayen da reyọ vwo guẹdjọ, ji toroba ebẹnbẹn rọyen

Eta re gbaegbae rẹ Bildad nẹrhẹ Job viẹ phia

Job nẹrhovwo rhe Ọghẹnẹ nẹ ọyen ghwu rere oma vwo fuon
Job tẹnrovi iphiẹrophiyọ rẹ evrẹnushi na, ọ da ji fuevun chirakon

Elifaz vwọ ta ota kẹ Job jẹ Bildad kugbe Zofa no

IHWO RI GUN EFIAN NYẸ JOB

Elifaz:

Ọ sa dianẹ orere rẹ Timan vwẹ Idọm yen o nurhe. Vwẹ Jerimaya 49:7, e dje Timan phiyọ otorho rẹ aghwanre rẹ ihwo rẹ Idọm
Ọ sa dianẹ Elifaz yen ọkpako, ọyen ji me titi vwẹ usun rẹ “ibruche” na, ọyen ohwo rẹsosuọ rọ ka ta ota. Abọ erha yen ọ ta ota, eta rọyen ji gron nẹ ọ rẹ eshare ivẹ ri chekọ na

Eta rẹ ekan:

Ọ reyọ ọyọnregan rẹ Job vwọ jehwẹ, ọ da je tanẹ Ọghẹnẹ vwẹroso idibo rọye-en (Job 4, 5)
Ọ tare nẹ Job kparoma, jẹ ohwo umwemwu, ọ je tanẹ job vwo oshọẹdjẹ rẹ Ọghẹnẹ-ẹ (Job 15)
Ọ je tanẹ ọvwurhuru yen Job ruẹ, nẹ o shenyẹ ihwo, nẹ ohworakpọ fiemu kẹ Ọghẹnẹ-ẹ (Job 22)

Bildad:

Uvwiẹ rẹ Shuah yen o nurhe. Ọ sa dianẹ akọkọ rẹ Urhie rẹ Yufretis ọyen ọ diare
Ọyehẹ ohwo rivẹ rọ ta ota. Abọ erha yen ọ ta ota, eta rọyen na pha krẹkrẹ, ayen ji vọn vẹ ekan nọ e rẹ Elifaz

Eta rẹ ekan:

Ọ tare nẹ emọ rẹ Job ru umwemwu, ọyensorọ rẹ ayen vwo ghwu, ọ da je tanẹ ọhọhọre nẹ Job vwo esegbuyota kpahen Ọghẹnẹ-ẹ (Job 8)
Ọ tare nẹ Job orumwemwu (Job 18)
Ọ je tanẹ ọyọnregan rẹ ohworakpọ ofefe (Job 25)

Zofa:

Ohwo rẹ Naama, ọ sa dianẹ ẹbẹre obenu rẹ ọnre rẹ Arabia yen o nurhe
Ọyehẹ ohwo rẹ erha rọ ta ota, eta rọyen je ma dia gbaegbae. Abọ ivẹ ọvo yen ọ ta ota

Eta rẹ ekan:

Ọ tare nẹ egbegbeta yen Job ta, ọ da je vuẹ nẹ ọ yanjẹ imwemwu rọyen vwo (Job 11)
Ọ tare nẹ Job orharhe ohwo, oma re umwemwu vwerhọn (Job 20)