Oborẹ Uyota Na Se Ru Kẹ Wẹ

Ọghẹnẹ, rọ vwọrefian na-a, kẹ wẹ iphiẹrophiyọ rẹ “arhọ ri bẹdẹ.”—Jọn 3:16.

DIE YEN OFORI NẸ WO RU?

Eghene aye ọvo rọhẹ asan ra da da iti, rọ vwẹ itablẹti vwo se Baibol na

Yono kpahen Ota rẹ Ọghẹnẹ.—Jọn 17:3, 17.
Nyupho rẹ Ọghẹnẹ.—Urhi Rivẹ 30:19, 20.
Vwẹ odjekẹ rẹ Ọghẹnẹ vwo ruiruo vwẹ akpeyeren wẹn.—Jems 1:25.

Iseri ri Jihova rehẹ akpọneje mrẹ erere vwo nẹ uyota ri Baibol na. Oma cha vwerhen ayen, ayen vwọ vuẹ wẹ oborẹ ayen yono na.

Wọ da guọnọ riẹn emu efa kpahen uyota ri Baibol na, se ibroshọ na Vwo Omavwerhovwẹn Bẹdẹ! rẹ Iseri ri Jihova teyenre, wọ je sa mrẹ vwẹ www.jw.org/urh.