Die Yen Baibol Na Tare?
A ghene sa mrẹ orhiẹn ebro abavo vwẹ akpọ na?
Die wọ cha ta?
E
Ẹjo
Ọkiọvo
Oborẹ Baibol na tare
“Me riẹnre nẹ Ọrovwohwo riẹn oyan rẹ otu re kpokpo, o mi rhe brorhiẹn kẹ otu rẹ akpọ bẹn.” (Une Rẹ Ejiro 140:12) Uvie rẹ Ọghẹnẹ cha hwarhiẹ orhiẹn ebro abavo rhe otọrakpọ na.
Die ọfa yen Baibol na se yono avwanre?
Ọghẹnẹ mrẹ oshenyẹ re phia vwẹ akpọ na nonẹna, ọ cha kpọ ayen vi.—Aghwoghwo 5:8.
Orhiẹn ebro abavo ro che nẹ obọ rẹ Ọghẹnẹ rhe cha hwarhiẹ ufuoma kugbe ofuvwegbe rhe otọrakpọ na.—Aizaya 32:16-18.
Ọghẹnẹ ghwomaphiyọ ẹbẹre ọvo jẹ ọvo vwo?
Ihwo evo vwo imuẹro nẹ Ọghẹnẹ brẹba kẹ ihwo evo, o mi rhe duvwẹ iyorin kẹ ihwo efa, efa vwo imuẹro nẹ ihwo eje abavo vwẹ ẹro rẹ Ọghẹnẹ. Die wo rorori?
Oborẹ Baibol na tare
“Ọghẹnẹ ghwẹ oma hẹ abọvo jẹ ọvo vwo-o; ẹkẹvuọvo vwẹ ẹgborho kẹgborho ohwo rọ djẹ oshọ rọye ro de ru obo ri shehọ ọye ọ reyọ.” (Iruo Rẹ Iyinkọn Na 10:34, 35) Vwẹ ẹro rẹ Ọghẹnẹ, ihwo eje abavo.
Die ọfa yen Baibol na se yono avwanre?
Baibol na vwo “iyẹnrẹ esiri” vwọ kẹ “kẹgborho kẹgborho kugbe orua korua kugbe ephẹrẹ kephẹrẹ kugbe ohwo kohwo.”—Ẹvwọphia 14:6.