OVUẸ VWỌ KẸ IHWO RE RHE ỌGHWẸKOKO NA

EREVWẸROTE Iniọvo re vwẹrote echidiotọ na cha chọn wẹ uko. Biko nabọ nene odjekẹ rayen kpahen asan ra rhuẹrẹ vwọ kẹ imoto, asan ro fori nẹ a wan, ra vwọ sẹro rẹ egbara vwọ hẹrhẹ ihwo efa, kugbe eta efa.

EBROPHIYAME Ihwo re che bruphiyame che chidia egbara ẹsosuọ ri hirhopharoku umukpe na jokpanẹ ọrhuẹrẹphiyotọ ọfa herọ. E jẹ ayen chidia tavwen ota rẹ omaebrophiyame na ke tonphiyọ vwẹ urhiọke rẹ Saturday. Ayen me ghwa ukpacha rhe, je sẹn osẹnvwe abavo ra vwọ họ.

ITETORO A ghwọrọ igho buebun vwo muegbe rẹ asan re chidia na kugbe ekuakua rẹ uhworo, a je ghwọrọ igho vwọ wian ewian efa re nẹrhẹ avwanre riavwerhen rẹ ọghwẹkoko nana, rere avwanre se vwo sikẹrẹ Jihova. Itetoro wẹn ro nẹ otọ ubiudu rhe cha nẹrhẹ a sa vwẹrote enana, vẹ owian rẹ akpọeje rẹ avwanre. E mu ekpeti rẹ itetoro phiyọ asan sansan vwevunrẹ ọguan na, rere ọ vwọ phẹre kẹ wẹ. Itetoro rẹ ovwan da avwanre aro mamọ. Ẹko Rọvwẹrote na nabọ kpẹvwẹ ovwan vwọ kẹ itetoro rẹ ovwan siobọnẹ ghwologhwolo fikirẹ ẹyan-obaro rẹ iruo rẹ Uvie na.

ASAN RA DA REYỌ IHUNVWUN Biko riẹn nẹ e ru ọrhuẹrẹphiyotọ nana fikirẹ OMAESIVWO RẸ OKPAKPA ỌVO.

ERỌNVWỌN RI GHWRURU RA RHOMA MRẸ Kemu kemu ra mrẹre, e jẹ e vwo kpo Akon Iruo rẹ Erọnvwọn ri Ghwruru ra Rhoma Mrẹ. Kpo etiyin siẹrẹ orọnvwọn wẹn de ghwru. A je reyọ ọmọ ro bo ghwru kpo etiyin. Ẹkẹvuọvo, ẹwẹn rẹ ihwo eje se vwo totọ, biko vwẹrote emọ wẹn, jẹ ayen chidia kẹrẹ owẹ.

ECHIDIOTỌ Biko roro kẹ ihwo efa. Karophiyọ nẹ wọ sa sẹro rẹ egbara hẹrhẹ ihwo rẹ wẹ vẹ ayen gba ro imoto ọvo, ihwo rẹ wẹ vẹ ayen gbe nẹ uwevwin rhe, yẹrẹ ihwo rẹ wo nene yono Baibol. Biko wo mu orọnvwọn vuọvo phiyọ egbara na-a, jokpanẹ wọ guọnọ sẹro asan kẹ ohwo.

OMAẸVWỌKPAHOTỌ VWỌ KẸ IRUO Wo de vwo owenvwe wọ vwọ wiowian vwẹ ọghwẹkoko nana, biko kpo akon iruo re se Information and Volunteer Service Department.

OMẸVWA OGHẸRESAN

ISIKURU RẸ IHWO RI GHWOGHWO UVIE NA E durhie ekobaro rehẹ ẹgbukpe 23 fiẹ 65 re guọnọ ruiruo rẹ Uvie rayen hẹrephiyọ, nẹ ayen rhe omẹvwa rẹ iniọvo re guọnọ kpo Isikuru rẹ Ihwo ri Ghwoghwo Uvie na, vwẹ urhiọke rẹ Sunday. E che ghwoghwo asan vẹ ọke re che vwo ruo.