UYONO 5

Isese rọ Gbare

1 Timoti 4:13

ỌDJẸKOKO: Se obo re ghwe si phiyọ ọbe na gori gori.

Nabọ muegbe. Roro kpahen oboresorọ e vwo si asan wo se na. Yono obo re se eta kuẹgbe, ọ ghwa dia ubiota ọvuọvo-o. Wọ vwẹ eta vwọba-a, wo pho ota vuọvo vrẹ-ẹ, wo ji wene ota vuọvo-o. Vwo oniso rẹ eka rẹ unuẹdajo eje (kerẹ ikọma, ifustopu vẹ efa).

Vuẹ ohwo ọvo nẹ ọ kerhọ rẹ isese wẹn, rere ọ vuẹ wẹ eta wo se chọ.
Se ubiota ọvuọvo gbagba. Ọ da dianẹ ubiota ọvo bẹn wẹ ese, gbe ni idishọnare, kerhọ rẹ uhworo rẹ ọbe na, yẹrẹ vuẹ ohwo rọ riẹn se nẹ ọ chọn wẹ uko.
Ta ota phephẹn. Kpare uyovwin kpenu, nabọ rhie unu wẹn, wo se eta na gba. Davwẹngba wọ vwọ ta ota phephẹn.

Se eta na gba, ẹkẹvuọvo wo ruo ọ da nẹrhẹ upho wẹn fẹnẹ obo wọ ta ota wa-an.