UNE 54
“Ọnana Hẹ Idjerhe Na”
1. Idjerh’ọvo herọ,
Idjerhe r’ufuoma.
Ọn’idjerhe r’Ọghẹnẹ
Wo yono kpahen,
Ọn’idjerhe ri
Jesu Kristi yon’uwe.
Ibaibol na sere
n’idjerhe r’ufuoma.
(EKUO)
Ọnana yen idjerhe r’arhọ na.
Di’evun rọyen, wo ji n’akọkọ rẹ.
Ọghẹnẹ n‘idjerhe na, ọna;
Wo n’uko rẹ, idjerhe na, ọna.
2. Idjerh’ọvo herọ,
Idjerhe r’ẹguọnọ.
Jihova yen dj’idjerhe
Nana k’avwanre.
Ẹguọnọ rọyen vọnre
V’omavwerhovwẹn.
Vwọr’uyota,
Ọnan’idjerhe r’ẹguọnọ.
(EKUO)
Ọnana yen idjerhe r’arhọ na.
Di’evun rọyen, wo ji n’akọkọ rẹ.
Ọghẹnẹ n‘idjerhe na, ọna;
Wo n’uko rẹ, idjerhe na, ọna.
3. Idjerh’ọvo herọ,
Idjerhe r’arhọ na.
Jihova tan’idjerhe
Nana me yovwin.
Ọnan’idjerhe r’ufuoma
Kugb’ẹguọnọ.
Kpẹvw’Ọghẹnẹ,
Fikir’idjerhe r’arhọ na.
(EKUO)
Ọnana yen idjerhe r’arhọ na.
Di’evun rọyen, wo ji n’akọkọ rẹ.
Ọghẹnẹ n‘idjerhe na, ọna;
Wo n’uko rẹ, idjerhe na, ọna.