UNE 44
Ẹrhovwo rẹ Ohwo ro Muomaphiyọ
Ọ rọ Họhọ ọ ra Teyenphia
1. Jihova wẹ mi kperi se:
“Biko ny’ẹrhovwo mẹ.”
Oghwa na họhọ nọ kẹ vwẹ,
ẹwẹn mẹ hra totọ.
Ukpokpogho mi rhiẹromrẹ
e nẹrh’ofu dje vwe.
Jihov’Ọghẹnẹ mẹ biko
me guọn’ukẹcha wẹn.
(EKUO)
Kẹ vw’ukẹcha vwo chirakon.
Je chọnvwuko vwọ yọnre gan.
Vwevunr’oja, Mi de se we.
Ọghẹnẹ mẹ, ny’ẹrhovwo mẹ.
2. Ọkieje y’Ota wẹn vwọ kẹ
vw’uchebro v’ọbọngan.
Me guọnọ t’ọdavwẹ mẹ phia
j’eta na bẹn vwẹ ta.
Biko kẹ vw’esegbuyota,
me vwọ vwẹros’owẹ.
Chọnvwuko vwọ riẹn n’ẹguọnọ wẹn
rho n’ubiudu mẹ.
(EKUO)
Kẹ vw’ukẹcha vwo chirakon.
Je chọnvwuko vwọ yọnre gan.
Vwevunr’oja, Mi de se we.
Ọghẹnẹ mẹ, ny’ẹrhovwo mẹ.
(Ji ni Une 42:6; 119:28; Rom 8:26; 2 Kọr. 4:16; 1 Jọn 3:20.)