Avwanre Sẹro rẹ Ubiudu Avwanre

1. E ja sẹro r’ubiudu na,

Ọ cha nẹrhe vw’arhọ.

Jihova fuẹr’ubiudu na,

Ọ nabọ ri’avwanre.

Ubiudu na sa phi’avwanre,

Ọ me nẹrha yan chọ.

Wọ da sẹro r’ubiudu na

Ku wọ cha mr’aghọghọ.

2. Wọ ke nẹrhovwo k’Ọghẹnẹ

Muẹgbe r’ubiudu wẹn.

Kpẹvw’Ọghẹnẹ, vw’ujiri kẹ.

T’ọdavwẹ wẹn vwọ kẹ.

A da yọnr’irhi r’Ọghẹnẹ

V’ẹwẹn r’avwanr’eje,

Ke che ru’ọhọre r’Ọghẹnẹ

Je mr’ebruba rọyen.

3. E je vw’utuoma r’umwemwu,

Vw’ẹguọnọ r’erhuvwu.

Se Baibol na kẹdi kẹdẹ,

Je kọn phiy’udu wẹn.

Jihov’Ọghẹnẹ vw’ẹguọnọ

R’ihwo rọy’ejobi.

E gbe ja vwẹrosu’Ọghẹnẹ

Je vw’ẹga kẹ bẹdẹ.