Yanphiaro!

1. Yanphiaro, yanphiaro, rho t’omiragua!

Ọhọre r’Ọghẹnẹ, ọy’avwanre vwo vw’ẹgba.

Wọ da yanphiaro vw’iruo r’aghwoghwo na,

’Ghẹnẹ ko bruba kẹ wẹ.

Iruo herọ vwọ k’avwanr’eje,

Karohọ Jesu ji ruiruo na.

Gba vwẹrosu’Ọghẹnẹ rere wo jeshe.

Mudia gan vwọ k’ọvwata.

2. Yanphiaro, yanphiaro, v’uduefiogbere!

Ghwoghw’iyẹnr’esiri vwọ k’ihwo r’akpọneje.

Je ghwoghwo ji jiri Jihov’Ọghẹnẹ,

Vwo n’uwevwin kp’uwevwin.

Ivwighrẹn che mu kpah’avwanre,

Ji ghwoghwo, wo j’oshọ mu we rẹ;

Ghwoghwo n’Uvie r’Ọghẹnẹ na kẹrire.

Yon’ihwo uyota na.

3. Yanphiaro, yanphiaro, rhivwin br’ayen ra,

Ru’ona wẹn yovwinphiyọ vw’iruo r’aghwoghwo na.

J’ẹwẹ’ọfuanfon r’Ọghẹnẹ mu we vwo ruo.

Wọ cha mr’uvi r’aghọghọ.

Vw’ẹguọnọ r’ihwo wo ghwoghwo kẹ.

Ji rhivwin br’ayen ra ọkieje.

Ch’ay’uko vwọ yanphiaro ọkeneje,

K’ayen sa ri’uyota na.