ẸBẸRE 8

Sen Ẹga rẹ Efian; Wọ Ga Ẹga rẹ Uyota

1. Orhiẹn vọ yen ihwo che bru rọ shekpahen ẹga?

JESU tare nẹ: “Ohwo rọ vẹ ọvwẹ hẹ obọ-ọ yọ vwọ so vwẹ.” (Matiu 12:30) Ohwo rọhẹ ẹbẹre ri Jihova-a, jẹ ọ hẹ ẹbẹre rẹ Idẹbono. Ihwo buebun roro nẹ Ọghẹnẹ rhọnvwe phiyọ ẹga rayen, jẹ Baibol na tare nẹ Eshu ‘phiẹn akpọ na ejobi.’ (Ẹvwọphia 12:9) Ayen vwo imuẹro nẹ ayen ga Ọghẹnẹ, ẹkẹvuọvo Eshu yen ayen ga! Kohwo kohwo yin che brorhiẹn rẹ ohwo rọ cha ga, sẹ Jihova rọ diẹ “Ọghẹnẹ rẹ uyota” na, yẹrẹ Idẹbono rọ dia “ọsẹ rẹ ofian.”—Une Rẹ Ejiro 31:5; Jọn 8:44.

Vrẹn nẹ Ẹga rẹ Efian

2. Ọrhọ yen idjerhe ọvo rẹ Eshu vwo kpokpo ihwo re guọnọ ga Jihova?

² Ọyena emu aghwanre re vwo brorhiẹn ravwọ ga Jihova, kidie ọ cha nẹrhẹ oma vwerhọn. Ẹkẹvuọvo ohwo da ga Ọghẹnẹ, oma vwerhen Eshu-u, ko kpokpo. Idjerhe ọvo ro vwo ruẹ ọnana, ọyen rọ vwọ sua omukpahen womarẹ igbeyan, ihwo rẹ orua kugbe ihwo efa. Jesu si avwanre orhọ nẹ: ‘Uwevwin rẹ ohwo ọyen ivwighrẹn rọyen hepha.’—Matiu 10:36.

3. Siẹrẹ ihwo rẹ orua vẹ igbeyan wẹn da vwọso ẹga rẹ wọ vwọ kẹ Ọghẹnẹ, die wo che ru?

³ Siẹrẹ omukpahen ọtiọyen de te we oma, die wo che ru? Ihwo buebun riẹnre nẹ ẹga rayen chọre, dedena, ayen rhọvwan no-o. Ayen roro nẹ ayen de ru ọtiọyen, kọyen ayen siẹn orua rayen. Iroro yena gbare? Wọ da riẹn nẹ ihwo orua wẹn evo reyẹ ihuvwun egangan, wo rhe si ayen orhọ kpahen imuoshọ rọ herọ? Wọ cha sa vwomaba ayen vwọ reyọ-ọ, ọ diẹ ọtiọyen?

4. Die yin Joshua vuẹ ihwo rẹ Izrẹl kpahen ẹga rayen?

⁴ Joshua vwẹ uchebro kẹ ihwo rẹ Izrẹl nẹ ayen siobọ nẹ irueru vẹ ẹga rẹ esẹ rayen re chọre. Ọ da ta: “Asakiephana wa gba djẹ oshọ rẹ Ọrovwohwo, wa vwẹ evun esiri kugbe uyota vwọ ga; siobọ nẹ edjọ rẹ esẹ rẹ ovwan gọre vwẹ obo ovrẹn rẹ Urhie na, kugbe Ijipt, re wa ga Ọrovwohwo na.” (Joshua 24:14) Joshua fuevun ga Ọghẹnẹ, Jihova de bruba kẹ. Avwanre da je fuevun ga Jihova, o ji che ku ebruphiyọ kuẹ avwanre.—2 Samuẹl 22:26.

Iyono rẹ Ẹga—Ọ Ruyota Kugbe ọ rẹ Efian

Eghẹnẹ Erha ri Kuomakugbe dia Ọvo: Ẹga buebun yono nẹ Ọghẹnẹ ọyen ihwo erha ri kuomakugbe dia ọvo. Ayen ta nẹ “Ọsẹ na Ọghẹnẹ, Ọmọ na [Jesu] Ọghẹnẹ, Ẹwẹn Ọfuanfon na jẹ Ọghẹnẹ, ẹkẹvuọvo ayen eje na Ọghẹnẹ ọvuọvo, e diẹ eghẹnẹ erha-a.”

The Bible does not even mention the word “Trinity,” nor does it teachJihova diẹ ihwo erha ri kuomakugbe dia ọvo-o. Uyono yena nẹ Baibol na rhe-e. Jihova ọvo kpoi ọyen Ọghẹnẹ. 1 Kọrẹnt 8:6 da ta: “Ọghẹnẹ ọvuọvo re herọ, Ọsẹ na.” Jihova yehẹ Ọromekpenu. Jesu diẹ Ọghẹnẹ-ẹ, ọyen “Ọmọ rẹ Ọghẹnẹ.” (1 Jọn 4:15) Ẹwẹn ọfuanfon na diẹ Ọghẹnẹ-ẹ, ọ je diẹ ohwo-o. Ẹkẹvuọvo ọyen ẹgba rẹ Ọghẹnẹ vwo ruiruo.—Iruo 1:8; Ẹfesọs 5:18.
Erhi Na: Ẹga buebun yono nẹ erhi na ọyen orọnvwọn ro ghwẹ-ẹ rọhẹ evunrẹ oma rẹ ohworakpọ. Baibol na yonori nẹ ohworakpọ yehẹ erhi, ọtiọyena erhi ghwẹ kidie ohworakpọ ghwẹ.—Jẹnẹsis 2:7; Izikiẹl 18:4.
Ẹtẹrhe erhanre: Ẹga rẹ efian yono nẹ irumwemwu cha rioja vwẹ erhanre bẹdẹ bẹdẹ. Baibol na tare nẹ ihwo ri ghwuru “riẹn emu ọvuọvo-o.” (Aghwoghwo 9:5) Baibol na je ta nẹ “Ọghẹnẹ hẹ ẹguọnọ.” (1 Jọn 4:8) Jihova rọ diẹ Ọghẹnẹ rẹ ẹguọnọ na, cha sa vwẹ ọja riẹ ihwo vwẹ erhanre-e.

Ekpeti: Die yen Baibol na yono kpahen Eghẹnẹ erha ri kuomakugbe dia ọvo, erhi na kugbe ẹtẹrhe erhanre?

Guọghọ Ekuakua Ra Vwọ Ga Ẹga rẹ Efian

5. Diesorọ avwanre vwọ guọghọ ekuakua re vwo ruẹ majiki?

⁵ Re vwo vrẹn nẹ ẹga rẹ efian ji churobọ si ra vwọ guọghọ erọnvwọn re vwo ruẹ majiki rẹ avwanre vwori kerẹ inehweri, ekpọfia, ibiesa, igbene kugbe ekuakua efa. Ọnana obo ro fori nẹ e ru, kiridie o djephia nẹ avwanre vwẹroso Jihova.

6. Die yẹn Inenikristi rẹ ọke awanre ruẹ ẹbe rẹ majiki rayen?

⁶ Roro kpahen obo rẹ Inenikristi rẹ ọke awanre ruru ọkẹ rẹ ayen vwo brorhiẹn rẹ ayen vwọ ga ẹga ruyota. Baibol na da ta: “Buebun ri ruẹ egbẹlẹkẹ da ghwẹ ẹbe rayen koko a da torhẹ ayen vwẹ irharo rẹ ihwo ejobi.”—Iruo 19:19.

7. Die yen e se ru siẹrẹ emekashe rẹ Idẹbono de kpokpo avwanre?

⁷ Emekashe rẹ Idẹbono se kpokpo ihwo ri vwobọ vwẹ orhan, epha-ẹbọ yẹrẹ majiki tavwen ayen ke rhe riẹn Jihova. Siẹrẹ wo de hirharoku ẹdia ọtiọyen, kperi se odẹ ri Jihova vwọrẹ ẹrhovwo. Ọ cha chọnwuko.—Isẹ 18:10; Jems 4:7.

8. Ẹro vọ yẹn Inenikristi vwo nẹ erọnvwọn ri churobọ si ẹga rẹ efian kerẹ edjọ, ema yẹrẹ ifoto?

⁸ Ihwo re guọnọ ga Jihova ke kẹnoma kẹ erọnvwọn ri churobọ si ẹga rẹ efian kerẹ edjọ, ema yẹrẹ ifoto. ‘Kidie esegbuyota yẹn Inenikristi ruyota vwọ yan, ọ dia orẹmrẹ-ẹ.’ (2 Kọrẹnt 5:7) Ayen muọghọ kẹ urhi rẹ Ọghẹnẹ rọ tare nẹ a vwẹ ẹga kẹ ema-a.—Eyanno 20:4, 5.

Kuomakugbe Ihwo ri Jihova

9. Uchebro vọ yẹn Baibol na vwọ kẹ avwanre kpahen obo re se vwo vwo aghwanre?

⁹ Baibol na tare nẹ: “Ohwo rọ yan nene ẹvwaghwanre ko vwo aghwanre.” (Isẹ 13:20) Avwanre da guọnọ dia evwaghwanre, kẹ avwanre kuomakugbe Iseri ri Jihova. Eyehẹ ihwo re yan vwẹ idjerhe ro suẹn ohwo kpo arhọ rẹ bẹdẹ na.—Matiu 7:14.

10. Idjerhe vọ yẹn Iseri ri Jihova sa vwọ chọnwuko vwọ ga Ọghẹnẹ?

¹⁰ Iseri ri Jihova vwo ọdavwẹ rẹ ihwo. Ayen chọn ihwo uko vwo vwo ẹruọ rẹ uyota ri Baibol na rọ sa nẹrhẹ ohwo vwo arhọ ri bẹdẹ. Ayen se nene uwe yono Baibol na ọphẹ. Ayen cha kpahenphiyọ enọ wẹn, ji dje obo rẹ wọ sa vwọ reyẹ erianriẹn ri Baibol na vwo ruiruo vwẹ akpeyeren wẹn.—Jọn 17:3.

11. Mavọ yẹn emẹvwa rẹ Inenikristi sa vwọ chọnwuko?

¹¹ Wo che yono kpahen obo ri Jihova guọnọre vwẹ uyono rẹ ayen ruẹ vwẹ Oguan Ruvie rayen. Urhurusivwe wo vwo kpahen ẹga ruyota kọ cha gan phiyọ. Ayen ji che yono uwe kpahen obo rẹ wọ sa vwọ chọn ihwo efa uko vwọ riẹn Baibol na.—Hibru 10:24, 25.

12. Mavọ yen ẹrhovwo sa vwọ chọnwuko vwọ ga Ọghẹnẹ?

¹² AWo vwo yono kpahen ọhọre ri Jihova ye, ọdavwaro wẹn kpahen irhi rọyen ko che kodo phiyọ. Urhurusivwe wo vwo ru obo rọ guọnọre je kẹnoma kẹ obo ro vwo utuoma kpahen, kọ je cha ganphiyọ. Karophiyọ nẹ wọ sa nẹrhovwo rhe Jihova nẹ ọ chọnwuko vwo ru obo ri yovwirin je kẹnoma kẹ obo re brare.—1 Kọrẹnt 6:9, 10; Filipae 4:6.

Ihwo rẹ orua ri se Baibol — Mavọ wọ sa vwọ ga ẹga ruyota?

13. Mavọ wo se vwo ru ubiudu ri Jihova ghọghọ?

¹³ Oyerinkugbe wẹn vẹ Ọghẹnẹ vwọ gan phiyọ ye, ko che mu we vwọ vwomakpahotọ kẹ, ji bromaphiyame kerẹ Oseri ri Jihova. Oma kọ cha vwerhen Jihova kiridie wọ rhe dia ọvo usun rẹ ihwo rọyen re. (Isẹ 27:11) Ku wọ cha dia ọvo usun rẹ ihwo rẹ oma vwerhan, rẹ Ọghẹnẹ ta ota kpahen nẹ: “Ke me dia evun rẹ ayen ke me yan vwẹ ohri rẹ ayen, ke me dia Ọghẹnẹ rayen, ayen ke dia ihwo mẹ.”—2 Kọrẹnt 6:16.

Me Vrabọ rẹ Emekashe rẹ Idẹbono

Ason rẹ ẹdẹ-ọvo, me vẹ ọshare mẹ vwọ vwerhẹn, mi de nyo upho ọvo ro se odẹ mẹ abọ-erha. Me da mrẹ enu rẹ uwevwin na ro rhiephiyọ, orọnvwọn ọvwavware ọvo rọ họhọ ibọrọ de ghwe she nẹ obenu rhe, o de she ro evun me. Dedena, ọshare mẹ riẹn ọbo re phia-a. Jẹ, oma mẹ eje kọ torhẹ ovwẹ, me rioja ọnana vwẹ emeranvwe buebun.

Emeranvwe esan vwọ wan nu, upho na da rhoma se vwe. Siẹvuọvo na, ọ da ghwa họhọ nẹ uwevwin na hẹ evunrẹ urhie okokodo. Ọrọdekọ rode ọvo (re se ogbo) de nẹ evun rẹ urhie na rhe, o de kin obọ mẹ riariẹ. Mi de kpogho obọ mẹ sẹ o se she nọ, jẹ o se no-o. Oshọ de mwu vwe mamọ. Ukuotọ rọyen, ogbo na vẹ ame na da ranvwiẹ, ki mi rhi she teyen otọ. Mi de shero vwẹ inọke evo. Upho na da vuẹ vwẹ nẹ mi rhivwin kpẹ ọguan rẹ ọrhan re de sivwin ihwo rọhẹ evunrẹ ọko na. Me vwọ nokpẹn rẹ odẹ rẹ ohwo rọ tota kẹ vwẹ na, odẹ ro se kẹ vwẹ na, mudiaphiyọ “ọdafe ro vwo ọmọ-ọ.” O veri nẹ o che ru vwe phiyọ ọdafe womarẹ ẹgba rẹ esivwo rẹ igbevwunu rọ cha vwọ kẹ vwẹ.

Ihwo re muọga ki nẹ asan sansan bruvwe cha. Tavwen ayen ki te uwevwin mẹ, je me mrẹ ayen vwẹ ughegbe mẹ nure. Ohwo na de te uwevwin mẹ, ke me vwẹ ẹhẹrhobọ mẹ vwọ teyen ẹhẹrhobọ rọyen, ugege yena, ki mi ghwe vughe ọga yẹrẹ ebẹnbẹn ro rhere kugbe oborẹ mi sivwon wan. Upho na je vuẹ vwẹ uchunu rẹ igho rẹ ayen cha hwa.

Money and gifts were pouring in because of the effectiveness of the cures. I became a “possessor of wealth,” but I also learned the meaning of “no child.” Each time I bore a child, his immediate senior would die. This was very distressing. During the 12 years that I served this spirit, six of my children died.

Kiridie nẹ ihuvwun mi ruẹ kẹ ihwo nabọ sẹ, igho ke mwavwan cha, ihwo buebun ki ji ruẹse kẹ vwẹ. Ke me rhe dia “ọdafe,” ẹkẹvuọvo mi “vwo ọmọ-ọ.” Mi de vwiẹ, ọ ri mi vwiẹ kpahen na mi ghwu. Ofu de dje vwe mamọ. Emọ mẹ esan soso yin ghwuru uvwre rẹ ẹgbukpe 12 re me vwọ ga ẹdjọ na.

Me da nẹrhovwo kẹ Ọghẹnẹ nẹ ọ chọnvwuko. Ẹdẹ ọvo Iseri ri Jihova de hworo ẹchẹ mẹ. Dede nẹ me dje ayen jovwo, me da kerhọ kẹ ayen vwẹ ẹdẹ yena. Womarẹ ota-eghwoghwo rayen, me da rhe mrẹvughe nẹ amakashe rẹ Idẹbono yen me ga! Mi de brorhiẹn me vwọ yan jovwo.

Me vwọ vuẹ amakashe rẹ Idẹbono na, o de si vwe orhọ nẹ me davwọ-ọn. Ẹkẹvuọvo, me da vuẹ nẹ: “Me rha cha ga wẹ ọfa-a.”

Me da torhẹ ekuakua na eje me vwọ bọepha na. Iseri ri Jihova de yono uvwe Baibol na, ke me rhe dia odibo ri Jihova, mi de bromaphiyame vwẹ ukpe ri 1973. Asaọkiephana mi vwo emọ iyorin re pha sasasa. Ọshare mẹ da je rhe dia Ọseri ri Jihova.—Josephine Ikezu yin gbikun na.

Ekpeti: Mavọ yen aye ọvo sa vwọ vrabọ rẹ emekashe rẹ Idẹbono?