Ona Sansan Re Vwo Se Baibol Na

Baibol na vọnre vẹ aghwanre ro me yovwin re se vwo yeren akpọ. Wo de se Baibol na ọkieje, roro kokodo kpahọn, ji reyọ vwọba yeren akpọ, ọ cha nẹrhẹ “idjerhe wẹn yovwi.” (Joshua 1:8; Une Rẹ Ejiro 1:1-3) Wọ je cha riẹn Ọghẹnẹ kugbe Ọmọ rọyen Jesu, erianriẹn yena me rha nẹrhẹ wo vwo usivwin.—Jọn 17:3.

Ona vọ yen ofori nẹ wo vwo se ẹbe sansan rehẹ Baibol na? Ona sansan yen herọ. Ọrhuẹrẹphiyotọ rẹ isese ri Baibol nana cha chọn wẹ uko vwo se ẹbe sansan rehẹ Baibol na vwo nene obo ra rhuẹrẹ ayen wan yẹrẹ ẹkuẹko. Kerẹ udje, wọ sa sane ẹko ọvo rọ cha nẹrhẹ wo vwo ẹruọ rẹ oborẹ Ọghẹnẹ nene ihwo rẹ Izrẹl yerin wan vwẹ ọke awanre. Wo se se ẹko ọfa rọ cha nẹrhẹ wọ riẹn oborẹ ukoko rẹ Inenikristi na tonphiyọ wan kugbe obo rọ wan hẹrephiyọ. Wo de se iyovwinreta evo kẹdẹ kẹdẹ, ku wo se se Baibol na eje vwẹ ẹgbukpe ọvo.

Owenẹ ọ dianẹ wọ guọnọ se Baibol na kẹdẹ kẹdẹ, wọ guọnọ se Baibol na eje vwẹ ẹgbukpe ọvo, yẹrẹ wẹwẹ ohwo rọ ghwa ton uyono ri Baibol phiyọ obọ, ọrhuẹrẹphiyotọ nana cha chọn wẹ uko. Danlodu ọrhuẹrẹphiyotọ rẹ Isese ri Baibol re se printi phia na, rere wọ tuọnphiyọ nonẹna.