Ariri Sansan re Vwo Hwe Iyeri Vwẹ Awanre

Ihwo buebun ri se Baibol na sa karophiyọ nẹ idibo rẹ Jesu evo ihwiyerin. (Mak 1:16-20) Ariri yen ayen vwo hwe iyerin siẹrẹ ayen de kpo Abadi ri Galili.

Ifi yen a rhuọn kuẹgbe ji churẹ riariẹ vẹ iphrophro buebun o mi rhi hirhephiyọ ariri. Oka rẹ erin rẹ ohwo guọnọ hwe yẹrẹ muẹ yen dje oborẹ ariri na cha rho te. E churu ikpokpo muẹ ariri itete vwẹ obotọ o rhe jẹ ophorhẹẹ, a me rha gba ikpokpo vẹ irhe muẹ ariri ride vẹ erọnvwọn efa ri se phorhẹ vwẹ obenu.

Ariri pha ghanghanre. Ọkiọvo eragha rehẹ obotọ rẹ abadi na se miovwo ariri na yẹrẹ iyirin na de vwo ọnyẹ mamọ, ọ je sa bẹrẹ. (Luk 5:6) O vwo ọke rẹ Baibol na vwo tanẹ Jems kugbe Jọn reyọ oruru vẹ egbede vwọ “rhuẹrẹ ariri rayen.” (Mat. 4:21) Ọ sa dianẹ ọkievo ihwiyerin da reyọ ariri vwo hwe iyerin nu, yen ayen vwọ rhuẹrẹ ayen. Luk je ta ota kpahen ihwiyerin re “hworhẹ iriri rayen” rere ayen se vwo si ikuekun no. (Luk 5:2) Ayen da hworhẹ ayen nu, ka vwẹ ariri tan e vwọ ya​—rere i vwo jẹ emiovwon.​—Izi. 47:10.

Jesu vuẹ ihwo re tẹn ona rẹ obo re hwe iyerin nẹ ayen rhe dia “ihwiyerin rẹ ihworakpọ.”