Ihoho ra Vwọ Ya Nẹrhẹ a Karophiyọ Erọnvwọn

Kerẹ avwanre buebun, ọ sa dianẹ wọ mrẹ bẹnbẹn wọ vwọ karophiyọ obo wo yonori. Ẹkẹvuọvo, wo vwo oniso rẹ oboresorọ wọ vwọ karophiyọ idje ri Jesu? Ẹwẹn wẹn sa djẹ kpo ayen, ọ me nẹrhẹ wọ karophiyọ ayen. Ọtiọyen ọ je hepha nẹ, siẹrẹ wọ da vwẹ ẹwẹn roro kpahan ihoho rẹ erọnvwọn evo ru wo yonori kọ bẹn re vwọ chọrọ uwe ẹro. Mavọ yen wo se vwo ru ọtiọyen? Ọyen wọ vwọ ya ihoho evo ọke wo de ruẹ uyono.

Ọkieje yen ihwo re ya ihoho rẹ erọnvwọn kpokpọ rẹ ayen yonori vwọ nabọ karophiyọ ayen. Ọ dia ona nana de nẹrhẹ ayen karophiyọ eta ọvuọvoo, ẹkẹvuọvo ayen karophiyọ ẹkpo rẹ oborẹ ayen yonori na eje. Ihoho rayen na, ọ dia ihoho re pha gangan rẹ ọwena vwọ yaa​—ẹkẹvuọvo ihoho re pha lọlọhọ. Imuẹro herọ nẹ ihwo re kpakore sa mrẹ erere nẹ ona nana rhe.

Ọke ọfa ru wo de ru uyono, davwẹngba wọ vwọ ya ihoho rẹ obo ru wo yonori. O che gbe we unu nẹ ọ dia ọmọrhiẹ erọnvwọn yen wọ cha karophiyọọ!