Evwoghovwo A ke Rhe Hwosa rẹ Ọtanhirhe Na

Womarẹ izobo rẹ ọtanhirhe ri Jesu ọvo yen a sa vwọ reyọ imwemwu rẹ avwanre vwo ghwovwo avwanre. (Ẹf 1:7) Dedena, Baibol na tare nẹ: “Vwevunrẹ edirin rọyen yen Ọghẹnẹ vwọ reyọ vwo ghovwo imwemwu re ru wanre,” kọyen, tavwen ri Jesu ke hwosa rẹ ọtanhirhe na. (Ro 3:25) Mavọ yen Jihova se vwo ru ọnana je dia Ọghẹnẹ ro brorhiẹn rẹ ọsoso?

Vwẹ ẹro ri Jihova, o ghwe vwo brorhiẹn nẹ ọyen cha vwẹ “ọmọ” ro che sivwin ihwo ri vwo esegbuyota kpahotọ nu, kọ ghwa họhọ nẹ a hwosa rẹ ọtanhirhe na nure. (Jẹ 3:15; 22:18) O mu Ọghẹnẹ ẹro dẹn nẹ Ọmọ rọyen ọvuọvo na cha vwomakpahotọ hwosa rẹ ọtanhirhe na ọke ro bruru na de te. (Ga 4:4; Hib 10:7-10) Jesu vwọ hẹ otọrakpọ na kerẹ ọ ro mudia kẹ Ọghẹnẹ, Jihova kẹrẹ ẹgba ro vwo ghovwo imwemwu tavwen ọ ke tobọ hwosa rẹ ọtanhirhe na. O vwo ghovwo ihwo ri vwo esegbuyota kidie ọ riẹnre nẹ osa rẹ ọtanhirhe rọ cha hwa vwẹ obaro na cha nẹrhẹ e vwo ghovwo ayen.​—Mt 9:2-6.