Akpọ Kpokpọ Na Sikẹre Re

A shẹ ọbe nana-a, ọyen ẹbẹre-ọvo rẹ owian rẹ uyono ri Baibol rẹ akpọeje, re ruẹ womarẹ itetoro ro wonhwo. Wọ da guọnọ ru itetoro, biko kpo donate.jw.org. Jokpanẹ ke djerephia, asan ri nẹ Baibol rhe eje ra vwọba tota, Baibol Ọfuanfon Na ọyen i nurhe, ẹkẹvuọvo, e si ibieta na nene obo re siẹ eta rẹ Urhobo asaọkiephana. Wọ da rha mrẹ NW, gba riẹn nẹ New World Translation of the Holy Scriptures ọyen o nurhe.

IMAGAZINI NANA, re se Uwevwin Orhẹrẹ na, titi Jihova Ọghẹnẹ, rọ dia Osun rẹ odjuvwu vẹ akpọ. O bru ihwo uche womarẹ iyẹnrẹn esiri rẹ Uvie rẹ Ọghẹnẹ ro che si imwemwu eje no kẹrẹkpẹ, o mi rhe ru akpọ na phiyọ iparadaisi. O jiro nẹ e vwo esegbuyota kpahen Jesu Kristi, ro ghwuru rere avwanre se vwo vwo arhọ ri bẹdẹ, ro ji suẹn asaọkiephana kerẹ Ovie rẹ Uvie Ọghẹnẹ. Rhavwẹn 1879, ọyen a vwọ teyen imagazini nana cha re, o titi usuon rẹ akpọ nana-a. E mu eta rehẹ evun rọyen ejobi kpahen Baibol na.