MAY 20-26
UNE RẸ EJIRO 40-41
Une 102 vẹ Ẹrhovwo | Eta rẹ Ọtonphiyọ (Ibrẹro 1)
1. Diesorọ O Vwo fo nẹ A Cha Ihwo Efa Uko?
(Ibrẹro 10)
A vwọ vwẹ ukẹcha kẹ ihwo efa kẹ avwanre omavwerhovwẹn (Un 41:1; w18.08 22 ẹko. 16-18)
Jihova biẹcha ihwo re cha ihwo efa uko (Un 41:2-4; w15 12/15 24 ¶7)
Avwanre vwẹ ujiri kẹ Jihova siẹrẹ a da vwẹ ukẹcha kẹ ihwo efa (Un 41:13; Isẹ 14:31; w17.09 12 ẹko. 17)
NỌ OMA WẸN, ‘O vwo ohwo ọvo vwẹ ukoko mẹ rọ guọnọ ukẹcha rọ sa vwọ nabọ reyọ aplikeshọni ri JW Library na vwo ruiruo?’
2. Efe Eghanghanre
(Ibrẹro 10)
Un 40:5-10—Die yen ẹrhovwo ri Devid yono avwanre kpahen a vwọ riẹn ẹdia ri Jihova kare kerẹ Ọromekpenu? (it-2 16)
Efe eghanghanre vọ yen wọ hiẹ mrẹ vwevunrẹ isese ri Baibol rẹ udughwrẹn nana ru wọ guọnọ ta ota kpahen?
3. Isese ri Baibol
(Ibrẹro 4) Un 40:1-17 (th uyono 12)
4. Ton Otaẹtakuẹgbe Phiyọ
(Ibrẹro 3) AGHWOGHWO RI KPREGEDE. Ton otaẹtakuẹgbe phiyọ vẹ ohwo rẹ oma vwerhan. (lmd uyono 2 ẹkpo 3)
5. Ton Otaẹtakuẹgbe Phiyọ
(Ibrẹro 4) AGHWOGHWO RI KPREGEDE. Ton otaẹtakuẹgbe phiyọ vẹ ohwo ro muomaphiyọ. (lmd uyono 3 ẹkpo 5)
6. Re Vwo Gbe Idibo
(Ibrẹro 5) lff uyono 14 ẹkpo 6. Wẹ vẹ ohwo ru wọ vwẹ Baibol yono ro siomauko rọ vwọ kpahenphiyọ enọ vwẹ emẹvwa ta ota kpahen ẹkpo ọvo vwẹ uyovwinrota nana “Jiri Jihova Vwevunrẹ Ukoko Na” vwo nẹ ẹbẹre ri “Hiẹ Guọnọ.” (th uyono 19)
Une 138
7. Ru Obo ri Yovwirin Vwọ kẹ Ihwo re Kpakore
(Ibrẹro 15) Otaẹtakuẹgbe.
Jihova vwo ọdavwaro kpahen iruo kiruo rẹ iniọvo re fuevun re kpakore ruẹ vwẹ ukoko na, eriyin ji te avwanre. (Hib 6:10) Vwẹ ikpe buebun rhire na, ayen wianre gangan vwo yono, ji phiuduphiyawọ rẹ iniọvo re vẹ ayen gba ga. Wọ sa karophiyọ idjerhe sansan rẹ ayen vwọ vwẹ ukẹcha kẹ wẹ re. Mavọ yen wo se vwo dje ọdavwaro phia kpahen oborẹ ayen rure vẹ oborẹ ayen ji ruẹ vwẹ ukoko na?
Hworo IVIDIO na ‘Ru Emuesiri kẹ Iniọvo rẹ Akpọeje.’ Rere wọ nọ otu na:
Die yen Ji-Hoon yono vwo mie Oniọvo Ho-jin Kang?
Die yen je we vwẹ oma rẹ iniọvo re kpakore rehẹ ukoko wẹn?
Die yen avwanre yono vwo nẹ udje rẹ ohwo ri Sameria na?
Diesorọ iroro ri Ji-Hoon jẹre ro vwo se ihwo efa ba oma rọ vwọ guọnọ vwẹ ukẹcha vwọ kẹ Oniọvo Ho-jin Kang vwọ dia omamọ rẹ iroro?
Siẹrẹ a da nabọ frẹkotọ roro kpahen edavwẹ rẹ iniọvo re kpakore vwẹ ukoko rẹ avwanre, ọnana sa nẹrhẹ a riẹn idjerhe sansan ra sa vwọ cha ayen uko. Wo de vwo oniso rẹ ẹdia ra da guọnọ ukẹcha, wo mi roro kpahen obo ru wo se ru vwọ vwẹ ukẹcha phia.—Jem 2:15, 16.
Se Galesha 6:10. Rere wọ nọ otu na:
Idjerhe vọ yen wo se vwo “ru obo ri yovwirin vwọ kẹ” ihwo re kpakore vwẹ ukoko wẹn?
8. Uyono ri Baibol Rukoko
(Ibrẹro 30) bt uyovwinrota 10 ẹko. 1-4, ekpeti rọhẹ aruọbe 79