APRIL 29–MAY 5
UNE RẸ EJIRO 34-35
Une 10 vẹ Ẹrhovwo | Eta rẹ Ọtonphiyọ (Ibrẹro 1)
1. “Bruphihọ kẹ Ọrovwohwo Vwẹ Ọke Ejobi”
(Ibrẹro 10)
Devid jiri Jihova dede nẹ o hirharoku ebẹnbẹn (Un 34:1; w07 3/1 22 ¶11)
Devid vwẹ Jihova yan eyan, ọ dia oma rọye-en (Un 34:2-4; w07 3/1 22 ¶13)
Eta rẹ ujiri ri Devid bọn ihwo efa gan (Un 34:5; w07 3/1 23 ¶15)
Ọke rẹ Ọghẹnẹ vwo sivwon nẹ abọ rẹ Abimẹlẹk nu, eshare 400 ri vwo omavwerhovwẹn kpahen usuon ri Sọ-ọl, da vwomaba Devid vwẹ aton na. (1Sa 22:1, 2) Ọ sa dianẹ eshare nana yen Devid roro kpahan ọke ro vwo si une rẹ ejiro nana.—Un 34, eta rehẹ obenu, NW.
NỌ OMA WẸN, ‘Vwẹ omẹvwa rọ cha na, mavọ mi se vwo jiri Jihova ọke re me vẹ ohwo da ta ota?’
2. Efe Eghanghanre
(Ibrẹro 10)
Un 35:19—Die yen Devid mudiaphiyọ rọ vwọ rẹ Jihova nẹ e jẹ otu ri vwo utuoma kpahen ovwẹ “vwirhi uvwe ẹro-o”? (w06 5/15 20 ¶2)
Efe eghanghanre vọ yen wọ hiẹ mrẹ vwevunrẹ isese ri Baibol rẹ udughwrẹn nana ru wọ guọnọ ta ota kpahen?
3. Isese ri Baibol
(Ibrẹro 4) Un 34:1-22 (th uyono 5)
4. Ton Otaẹtakuẹgbe Phiyọ
(Ibrẹro 2) AGHWOGHWO RI KPREGEDE. Wo se ghwoghwo ota kẹ ohwo na tavwen otaẹtakuẹgbe na ki vwoba-a. (lmd uyono 1 ẹkpo 4)
5. Ra Vwọ Yanmuẹ Ihwo re Ghwoghwota Kẹ
(Ibrẹro 4) AGHWOGHWO RI KPREGEDE. (lmd uyono 2 ẹkpo 4)
6. Dje Obo ru Wo Segbuyota Fiotọ
(Ibrẹro 5) Udje. ijwfq 59—Uyovwinrota: Mavọ yen Iseri ri Jihova sa vwọ riẹn erẹ rẹ Ọghẹnẹ rhiabọreyọ? (th uyono 17)
Une 59
7. Idjerhe Erha re se Vwo Jiri Jihova vwẹ Emẹvwa
(Ibrẹro 15) Otaẹtakuẹgbe.
Emẹvwa rẹ Inenikristi rhie uphẹn phiyọ rẹ avwanre vwo jiri Jihova. E jẹ a fuẹrẹn idjerhe erha e se vwo ru ọtiọyen.
Wo de Nene Ihwo Efa ta Ota: Ta ota kpahen uyoyovwin ri Jihova ọke ru wọ vẹ ihwo efa da ta ota. (Un 145:1, 7) Wo nyori yẹrẹ se kpahen ẹkpo ọvo ro fierere kẹ wẹ? O vwo ikuegbe rẹ obo re rhiẹromrẹ vwẹ aghwoghwo na ru wọ guọnọ ta ota kpahen? Ohwo phiuduphiyọ owẹ awọ womarẹ ota yẹrẹ obo ro ruru? O vwo emama evo ru wọ mrẹ re kẹ wẹ omavwerhovwẹn? Enana eje okẹ ri nẹ obọ ri Jihova rhe. (Jem 1:17) Fobọ rhe uyono rere wọ sa vwọ mrẹ ọke vwo nene ihwo ta ota kugbe.
Wọ da kpahanphiyọ enọ: Davwẹngba wọ vwọ kpahenphiyọ onọ ọvo vwẹ omẹvwa. (Un 26:12) Wọ sa kpahenphiyọ onọ na vwẹ idjerhe ri phiọgun yẹrẹ ta ota kpahen ẹkpo ọfa, obo re se nẹ Baibol rhe, ifoto na, yẹrẹ obo ra sa vwọ reyọ ẹkpo na vwo ruiruo. Ọ vwọ dianẹ ihwo buebun vẹ owẹ yen cha rionbọ vwọ kpahenphiyọ enọ na, gbe muegbe rẹ enọ sansan ru wọ cha kpahenphiyọ phiyotọ. Ihwo buebun ke sa “vwẹ izobo rẹ ujiri kẹ Ọghẹnẹ ọkieje” siẹrẹ ẹkpahọnphiyọ avwanre da dia ọ rẹ ẹroebro 30 yẹrẹ o de kpotọ vrẹ ọtiọyen.—Hib 13:15.
Wọ da so une: Nabọ so une rẹ ukoko na sasasa. (Un 147:1) Ọ sa dianẹ ọ dia ọkieje yen e che vwo se we nẹ wọ kpahenphiyọ onọ vwẹ uyono-o, ma rho ọ da dianẹ ihwo rehẹ ukoko wẹn bunru mamọ, ẹkẹvuọvo wọ sa vwomaba ayen so une ọkieje. Wọ da davwẹngba wẹn vwọ so une ọ da tobọ dianẹ wo niro nẹ wọ riẹn obo ra sua-a, oma cha vwerhen Jihova! (2Kọ 8:12) Wo se muegbe womarẹ wo vwo yono une na vwẹ obo uwevwin.
Hworo IVIDIO na Ikuegbe rẹ Avwanre rọ Yan Obaro—Okẹ rẹ Une, Ẹbẹre 1. Rere wọ nọ otu na:
Ghwe vwo nẹ ọke rẹ ukoko ri Jihova vwọ tonphiyọ vwẹ ọke avwanre na, idjerhe vọ yen e vwo djephia nẹ a vwọ so une ejiro vwọ kẹ Jihova yen ma ghanre?
8. Uyono ri Baibol Rukoko
(Ibrẹro 30) bt uyovwinrota 9 ẹko. 1-7, eta rẹ ọtonphiyọ rẹ ẹbẹre 3 vẹ ekpeti rọhẹ aruọbe 70