JANUARY 29–FEBRUARY 4

EFE RỌHẸ OTA RẸ ỌGHẸNẸ

1. Obo re se Yono Vwo nẹ Obo ri Job Rhiẹromrẹ

(Ibrẹro 10)

Karophiyọ nẹ wọ cha sa mrẹ erọnvwọn eje fiotọ kerẹ Jihova-a (Job 42:1-3; w10 10/15 3-4 ¶4-6)

Muegbe wo vwo rhiabọreyọ ọghwọku mie Jihova vẹ ukoko rọyen (Job 42:5, 6; w17.06 25 ẹko. 12)

Jihova hwosa kẹ ihwo re fuevun kẹ o toro ọdavwini rẹ ayen hirharoku-u (Job 42:10-12; Jem 5:11; w22.06 25 ẹko. 17-18)

Job vẹ aye rọyen mudia akọkọ rẹ ugbenu, ayen nẹ ohwohwo vẹ omavwerhovwẹn. Job riọnbọ phiyọ ichuru vẹ uwevwin rayen. — Jihova hwosa kẹ Job fikirẹ ọyọnregan rọyen

2. Efe Eghanghanre

(Ibrẹro 10)

Job 42:7—Ono yen igbeyan erha ri Job ghene vwọsua, kẹ mavọ yen ọnana sa vwọ cha avwanre uko vwo chirakon rẹ ehwẹjẹ? (it-2 808)

Ẹkpahọnphiyọ wẹn
Efe eghanghanre vọ yen wọ hiẹ mrẹ vwevunrẹ isese ri Baibol rẹ udughwrẹn nana ru wọ guọnọ ta ota kpahene?

Ẹkpahọnphiyọ wẹn

3. Isese ri Baibol

(Ibrẹro 4) Job 42:1-17 (th uyono 11)

MUOMAPHIYỌ IRUO AGHWOGHWO NA

4. Ton Otaẹtakuẹgbe Phiyọ

(Ibrẹro 3) NUWEVWIN KPUWEVWIN. Ohwo na dia Onenikristi-i yẹrẹ ẹkuruemu rẹ asan ro nurhe fẹnẹ ọwẹn. (lmd uyono 5 ẹkpo 3)

5. Re Vwo Gbe Idibo

(Ibrẹro 5) lff uyono 13 ẹkpo 6-7 kugbe Ihwo Evo Ta (lmd uyono 11 ẹkpo 4)

6. Ota

(Ibrẹro 4) lmd apẹndis A ẹkpo 2—Uyovwinrota: A Cha Ghwọrọ Otọrakpọ na Kakaka-a. (th uyono 13)

AKPEYEREN RẸ INENIKRISTI

7. Cha Ihwo Efa Uko Vwọ Riẹn nẹ Jihova Vwo Ẹguọnọ Rayen

(Ibrẹro 15) Otaẹtakuẹgbe.

Ẹbẹre ọvo ra reyọ vwo nẹ ividio rẹ “Avwanre Mrẹ Ẹguọno rẹ Inenikristi vwẹ Orua ri Jihova.” Mimi vẹ oni rọyen reyọ ododo vẹ ọmọbe vwo rhe oniọvo aye rọhẹ ehwa rẹ họspita.

Oma vwerhen avwanre ra vwọ ga Ọghẹnẹ rẹ ẹguọnọ na. (1Jọ 4:8, 16) Uruemu rẹ ẹguọnọ ri Jihova na muẹ avwanre vwọ dia ugbeyan rọyen je nẹrhẹ avwanre siẹkẹrẹ phiyọ. Kerẹ idibo ri Jihova, avwanre mrẹ ẹguọnọ rọyen.

Avwanre davwẹngba vwọ vwẹrokere ẹguọnọ ri Jihova womarẹ avwanre vwo dje ẹguọnọ kẹ ihwo rẹ orua avwanre, iniọvo rẹ ukoko na, kugbe ihwo efa. (Job 6:14; 1Jọ 4:11) E de dje ẹguọnọ phia, jẹ avwanre cha ihwo efa uko vwọ riẹn Jihova ji siẹkẹrẹ phiyọ. Ẹkẹvuọvo, e rhe dje ẹguọnọ kẹ ihwo efa-a, ayen cha mrẹ bẹnbẹn ayen vwọ rhọnvwe nẹ Jihova vwo ẹguọnọ rayen.

Hworo IVIDIO na Avwanre Mrẹ Ẹguọno rẹ Inenikristi vwẹ Orua ri Jihova. Rere wọ nọ otu na:

Die yen oborẹ Lei Lei vẹ Mimi rhiẹromrẹ na yono uwe kpahen ọghanrovwẹ re vwo dje ẹguọnọ phia?

Ẹkpahọnphiyọ wẹn

Die yen e se ru vwọ cha iniọvo avwanre uko vwọ mrẹ ẹguọnọ ri Jihova vughe?

Ni ayen kerẹ igegede re pha ghanghanre kẹ Jihova.—Un 100:3
Jẹ eta wẹn bọn ayen gan.—Ẹf 4:29
Dje erorokẹ kẹ ayen.—Mt 7:11, 12

8. Uyono ri Baibol Rukoko

(Ibrẹro 30) bt uyovwinrota 5 ẹko. 1-8, ekpeti rọhẹ aruọbe 39