AKPEYEREN RẸ INENIKRISTI

Vwẹ Ukẹcha Vwọ kẹ Ihwo ri Kpo Ẹga-a Vwo Vughe Ọmemama Rayen

Wo siomauko wo vwo ghwoghwota kẹ ihwo ri kpo ẹga-a yẹrẹ i ri se Ọghẹnẹ gbuyota-a kidie wo rorori nẹ ayen cha kerhọ wẹ-ẹn? Ọ da dia ọtiọyen, gba karophiyọ nẹ ihwo buebun kerẹ ihwo ri kpo ẹga-a kugbe ihwo ri se Ọghẹnẹ gbuyota-a rhe dia Iseri ri Jihova re. Ọke buebun na, ukẹcha yen ayen guọnọre ayen sa vwọ mrẹvughe nẹ Ọghẹnẹ ghene herọ.—Ro 1:20; 10:14.

NI IVIDIO NA KAROPHIYỌ—IHWO RI VWO ESEGBUYOTA-A SE VWO!—IHWO RI KPO ẸGA-A, RERE WỌ KPAHENPHIYỌ ONỌ NANA:

Mavọ yen ikuegbe ri Tommaso vwọ chọn wẹ uko vwọ vwẹ omamọ ẹro vwo ni re vwo ghwoghwota kẹ ihwo ri kpo ẹga-a?

Ẹkpahọnphiyọ wẹn

Obo wo che ruo wan

Ohwo da tanẹ ọyen se Ọghẹnẹ gbuyota-a, vwẹ erorokẹ vẹ aghẹnghẹn vwo nene, dje ọdavwaro phia kpahen iroro rọyen vẹ oborẹ oma ruo kpahen uyovwinrota na. (2Ti 2:24) Ta ota kpahen iyovwinreta rẹ wo rorori nẹ i che sio urhuru. Ọ rhọnvwa nẹ a vuẹ kpahen erọnvwọn ri mu ihwo efa vwo segbuyota nẹ Ọmemama herọ? Ọ da dia ọtiọyen, gba reyọ ẹbe vẹ ividio ra rhuẹrẹ vwọ kẹ eta tiọyen vwo ruiruo. E phi ibrosho rẹ Was Life Created? kugbe Ọtonphiyọ rẹ Arhọ—Enọ Iyorin re Guọnọ Ẹkpahọnphiyọ ba Ekpeti rẹ Uyono rẹ avwanre rere a sa vwọ fobọ mrẹ ayen.

Ẹsosuọ, oshọ se mu we wo vwo ghwoghwo uyota na kẹ ohwo ro se Ọghẹnẹ gbuyota-a. Wọ sa nokpẹn rẹ ukẹcha mie oghwoghwota rọ tẹn ona? Karophiyọ nẹ Jihova sa chọn avwanre uko vwo te ubiudu rẹ ihwo re ve arhọ ri bẹdẹ kẹ—ọ da tobọ dianẹ ayen sere gbuyota ẹsosuọ ye-e.—Iru 13:48